سلێمانی دەسنیشان زیایبوین سیمای مناڵەیل گەیاکەر و لەشفرووشی کەێد
شەفەق نیوز/ ئیدارەی قایمقامیەت سلێمانی، ئمڕوو چوارشەممە، بەسیان هەر هوتێلیگ راگەیان ک ری ئەرا مناڵەیل کارکەر و گەیاکەر بیەێد لەناویان بخەفن، و دیاری کرد ک ئی سیما زیایەو بویە وبایەتە ریکارەیلیگ ئەرا نواگردنی بوود.
ئیدارەی قایمقامیەت سلێمانی لە بەیاننامەیگ رەسیە ئاژانس شەفەق نیوز وت: گردەوبوینیگ وە ئامادەبوین ریخریاگ مقەیەتیکردن مناڵ لە کوردستان وەگەرد خاوەن هوتێلەیل ناو سلێمانی ئەنجام دریا، لەناوه یاسا و ریوشوینەیل مقەیەتیکردن مناڵ نمایش کریا.
بەیاننامەگە وتیش: هوشداری دریا خاوەن هوتێلەیل ک ری وە مناڵەیل و خیزانیان نەیەن وەبی بەڵگەی فەرمی لەناو هوتێلەیل بمینن، دیاریکرد ک گرفت مناڵەیل کارکەر و لەشفرووشی هاتیەسە زیایبوین وبایەتە ریکارەیلیگ جدی ئەرا نواگردن ئی سیمای ناشارستانیە بنریەێد.
بەیاننامەگە لە زوان ئاوات محمد قایمقام سلێمانی وت: گشت ئی مناڵەیلە لە دەیشت سلێمانی، یا هەرێم کوردستان تیەن، و نەبایەت ری وەخەفتنیان لەناو هۆتێلەیل بیریەێد.
قایمقام سلێمانی داوای دەسمیەتی لە خاوەن هوتێلەیل کرد تا ئی سیما لەناو بوریەێد، ئەرا مقەیەتیکردن بیوەیی گشتی، و دووپات کرد ک هەر هوتێلیگ ری وەو خانەوادەیلە بیەێد ک وەرد مناڵەیلیان کار کەن ئەوەسا وەکوتپڕ هۆتێلەگە بەسیەێد.
