سلێمانی.. دەسگیرکردن دوو کەس یەکیگیان گەنجیگ لەناو چایخانە کوشتیە و ئەوەکە دویەتیگ خەڵەتانیە
وەریەوبەرایەتیەگە لە بەیاننامەیگ وت: دویای ساعەت 7:30 ئیوارەی دویەکە جمعە، گەنجیگ وەناو ( ڕ ، خ ، ع ) لەناو کافیتریایگ نزیک پێەڵ خەسرەو خاڵ لە جادەی سالم، ک لەناو ئەو کافیتریا کار کەێد، کەفتە وەر گولەی دەوانچەی کابرایگ، و گیانی لەدەسدا ، دیاری کرد ک دویای وەرگردن مووڵەت دادوەری دەسکریا لێکۆڵینەوە لە رویداوەگە، و دەرکەفت ک بکوشەگە لە شار سلێمانی دەرچگە.
وەریەوبەرایەتیەگە وتیش: هیزەیلی وە هاوکاری وەگەرد وەڕیەوبەرایەتی ئاسایش گەرمیان توەنستن وە کەمتر لە دوو ساعەت لە رویداوەگە ک بکوشەگە دەسگیر کریا، ک وەگورەی لێکۆڵینەوەی سەرەتایی دەرکەفت لە گرفتیگ کۆمەڵایەتی هاتگە.
وەرجەیە، سامان نادر وەڕیەوبەر بنکەی فریاکەفتن سلێمانی، ئیوارەی دویەکە جمعە، خەوەردا لە کوشیان گەنجیگ وە گولەی کەسەیلیگ نەناسیاگ لە پارێزگاگە.
نادر ئەرا ئاژانس شەفەق نیوز وت: گەنجیگ لەناو کۆفی شۆپیگ وە گولەی کەسەیلیگ نەناسیاگ نزیک پێەڵ خەسرەو خاڵ لەناوڕاس سلێمانی کوشیا.
هەرلیوا، پولیس پارێزگای سلێمانی لە بەیاننامەیگ ئمڕوو وت: مەفرەزەیل بنکەی پولیس رزگاری توومەتباریگ وە خەلەتانن دوویەتیگ دەسگیر کرد، بایی ١٥ مەلیۆن و ٥٠٠ هەزار دینار لەلی بردیە.
پولیس دیاری کرد ک دویای توومارکردن سکاڵا وەلایەن دویەتەگە لەبان توومەتباریگ خەڵەتانیەسەی و ئەو پویلە لەلی بردیە، لەناو سۆشیال میدیا ناسریا، هیزەیل پولیس دەسکردنە لێکۆڵینەوە و وەشکین، ئیجا توەنستن وە کەمتر لە ٢٤ ساعەت توومەتبارگە لە هەولێر ئەرا سلێمانی بارن، و وەلایەن بنکەی پولیس رزگاری دەسگیر کریا، و پویلەگە لەلی بریا.
