سلێمانی.. دەسگیرکردن کابرایگ تەڵ و سێکرت کارەبا بایی ٥٠ هەزار دۆلار دزیە
شەفەق نیوز/ وەڕێەوبەرایەتی پۆلیس پارێزگای سلێمانی لە هەرێم کوردستان، ئمڕوو سێشەممە، دەسگیرکردن توومەتباریگ راگەیان بایی ٥٠ هەزار دۆلار ئەمریکی تەڵ سێرکت کارەبا لە یەکەیگ لە کۆمەڵگای نیشتەجیبوین دزیە.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: لە بنەمای سکاڵای یەکیگ لە هاووڵاتییەیل وە نەمان بڕەیل گەورەیگ لە سێرکت و وایەر کارەبا لە کۆمەڵگای نیشتەجیبوین نرخەگەی رەسێدە زیاتر لە ٥٠ هەزار دۆلار، مەفرەزەیل دژە تاوان – نویسینگەی کوردستان دەسکردنە لێکوڵینەوە ومینەی تاوانکارەیل.
بەیاننامەگە وتیش: دویای ناسین یەکیگ لە توومەتبارەیل توەنست دەسگیر بکەێد مەوقەی فرووشتن ئەو چشتەیل کارەباییە، وتیش: بریگ لە چشتەیل دزیەتی لەلای بویە، و دەسنریا بان بڕیگ تریش وەگەرد دەوانچەیگ.
بەیاننامەگە وتیش: دزەگە ناوی (أ. ل. م.) بویە لە داڵگبوی ١٩٩٩، و ئیرنگە وە بڕیار دادوەر دەسگیر کریایە، و تاوانبارەگە ئاشکرای دزیکردنی لەناو لێکۆڵینەوە کردیە.
