سلێمانی دەسکەێدە فیستواڵ پاییز ئەرا بەرهەمەیل ناوخوەیی و فولکلۆر کوردی.. وینە
شەفەق نیوز/ لەناو باخچەیل سەری سلێمانی، ئمڕوو یەکشەممە، دەسکریا وە فیستواڵ پاییز، وە سەرپەرشتیاری ریخریاگ پەرەپیدان رووشنهویری، وە چەودیاریکردن وەڕیەوبەرایەتی رووشنهویری و هونەر لە پارێزگای سلێمانی، وە ئامادەبوین هەڤاڵ ئەبوبەکر پارێزگار سلێمانی، و بڕیگ کەسایەتی رووشنهویری و هونەری ناودار لە شارەگە.
پەیامنێر ئاژانس شەفەق نیوز وت: فیستواڵەگە کە سێ رووژ وەردەوامە، خوازێد رووشنایی بخەێدە بان بەرهەمەیل ناوخوەیی و فولکلۆر کوردی.
وتیش؛ فیستواڵەگە زیاتر لە ٥٠ کەس لەناوی بەشدارە، لە ژن وپیاو، کارەیلیگ دەسڕەنگینی و بەرهەمەیل فولکلۆری نمایش کەن، بەشیک لە کەلەپوور کوردی نشان دەن، و دیاری کرد کە خوازێد بازاڕیگ ئەرا ئی بەرهەمیلە دروس بکەێد، وەگەرد ناسانن میراتی کولتوور کورد ئەرا جەماوەر ناوخوەیی و میوانەیل.
مەریەم محمد، کە لە فیستواڵەگە بەشدارە، ئەرا ئاژانس شەفەق نیوز وت: بەشداریکردن لە فیستواڵەگە دەرفەتیگە ئەرا نمایشکردن کارەیل دەسڕەنگینی و ئیکسسیسوار فولکلۆری، کە رەنگینی فولکلۆر کوردی نشان دەێد، لە سەرەتای فیستواڵەگەو ئامادەبوین خاس بوی، و هاتن وەردەوامە.
مەریەم وتیش: مکیس خەڵک سلێمانی و گەشتیارەیل کەم سەردان فیستواڵەگە بکەن تا بەشیگ لە کولتوور کوردی بوینن، کە وە تامیگ سەردەمیانە پیشکەشی کردیمن.
پەیامنێر ئاژانسمان دووپات کرد کە فیستواڵەگە رووژانە لە ساعەت دەی شەوەکی تا شەش ئیوارە پیشوازی لە سەردانکەرەیل کەێد، کە خوازێد بازاڕکردن ناوخوەیی بەرزەو بکەێد و پاڵپشتی لە پیشەی دەسڕەنگینی بکەێد، ئەرا پشتگیریکردن ئابووری ناوخوەیی و هاندان پیشەزایەیل بویچگ.
فیستواڵ پاییز لە پارێزگای سلێمانی، لە زنجیرەیگ کارەیل رووشنهویری تیەێد کە خوازن مقیەتی لە کولتوور کوردی بکەن، و وەشیوەی نوویگ ناوەین رەسەنی و سەردەمیانە پیشکەشی بکەن.
ئی کارە جویر دەرفەتیگ گرنگە تا سەردانکەرەیل ناو شار و گەشتیارەیل بەرهەمەیل ناوخوەیی و ئیکسیسوارەیل فولکلۆری ناوچەگە بناسن.
سلێمانی وەشیوەی بەرزیگ گرنگی لە ڕێکخستن ئیجویر فیستواڵەیلیگ وەخوەی دوینێد، کە دەسمیەتی لە گورجکردن جویلەی رووشنهویری و ئابووری دەن، و جویر پیەڵیگ ناوەین کەلەپوور ناوخوەیی و جەماوەر جەهان.
