سلێمانی دەسەڵات دەوام نۆڕەیی دەێدە فەرمانگە حکومەتیەگان بەڵکم وەمەرجیگ
شەفەق نیوز/ هەفاڵ ئەبوبەکر پارێزگار سلێمانی، ئمڕوو یەکشەممە، بڕیگ بریار دەرکرد لە باوەت دەوام فەرمی لە فەرمانگە و دامەزراوە حکومەتیەگان لە کەرتە ئیدارەییەگان سەروە پارێزگاگە.
پارێزگار لەبەیاننامەیگ ئمڕوو ئی بڕیارەیلە دا:
١- دەوام فەرمی بوودە پەنج رووژ لە هەفتەگە ، لە رووژ یەکشەممە تا پەنجشەممە.
٢-دەسەڵات بیریەێدە وەرپرسەیل کەرتە ئیدارەیەگان، وگشت وەڕێوبەرە گشتیەگان، ووەڕێوبەرەیل فەرمانگە حکومەتیەگان وەیانە:
ئ- هەر لەیەنەیگ وەگورەی وەزارەتەگەی خوەی پابەند بوود وەساعەتەیل دەوام فەرمی رووژانە.
ب- رێژەی دەوام فەرمانبەرەگان وەگورەی خوازین فەرمانگەگان بوود، وەگورەی ژمارەی کادرەگان و وەشیوەی نۆڕە، وەمەرجیگ کار فەرمانگەگان پەک نەخەێد، ومعامەلەی رووژانەی هاووڵاتیەگان نەوسنێد.
٣ – بایەسە دەوام گشت فەرمانگەگان چەودیری و پابەندی وە رینما تەندروسیەگان و ریکارە مقەیەتیەگان لە ڤایڕۆس کۆرۆنا بوود.
حکومەت هەرێم کوردستان، رووژ پەنجشەممە، بڕیار هاتنەوەی کارکردن وەسیستم دەوام ساعەتەیل تەواوی لە دامەزراوەگانی دا، ئەویش دویای چەن مانگیگ لە پشۆی ناچاری، یا کەمەوکردن ساعەتەیل دەوام لەوەر ریکارەیل مقەیەتی لە ڤایڕۆس کۆرۆنا.
