سلێمانی.. خانمە چالاکوانەیلیگ هووکارەیل زیایبوین تونوتیژی دژوە ژن دیاری کەن
شەفەق نیوز/ خانمە چالاکوانەیلیگ لە پارێزگای سلێمانی، ئمڕوو یەکشەممە، هووکارەیل زیایبوین تونوتیژی دژوە ژن لە هەرێم کوردستان دیاری کردن، و بڕیگ چارەسەری ئەرا ئەو سیما دانان.
خانمە چالاکوان و رووژنامەنویس هوراز ئەحمەد ئەرا ئاژانس شەفەق نیوز وت: گرنگە لەی وەختە کار ریخریاگەیل ماف ژن بکریەنە یەک تا وەیەکەو لەنوای تونوتیژی ئامادەبوون، وتیش: ئەگەر ئەرا چەن ساڵ کەم گوزەشتە گلەو بخوەیمن، نووڕیمن تونوتیژی دژوە ژن وەشیوەی گەورەیگ لە گشت ناوچەیل هەرێم کوردستان زیایەو بویە، ک نووڕیمن ژنەیل کەفنە وەر تونوتیژی لەلایەن دەسەڵاتەیل و زیان لە دووچەوەکی وەخوەیان دوینن، ئەراوە بایەتە یەک هەڵوێست داشتوێمن ئەرا قایمکردن یاسا و کەمەوکردن تونوتیژی و وساننی.
هوراز باس شیوەی نواگردن تونوتیژی کرد، و دووپات کرد ک وەخاتر کەمەوکردن تونوتیژی دژوە ژن زبایەتە هوشیاری گشت تاکەیل کۆمەڵگا زیای بکەیمن، وەتایبەت هاوبەش سەرکێ ژن، ک خوەی پیاوە، وتیش: گرنگە کار ئەرا نواگردن پیاوسالاری لەناو کۆمەڵگا بکەیمن.
لەلای خوەییش، لەیلا تەها، خانمە چالاکوان شارستانی و رووژنامەنویس وت" زیایبوین تونوتیژی دژوە ژن چوودەو ئەرا هووکارەیل کۆمەڵایەتی و رسوومەیل، وەگەرد نەوین ئابووری سەروەخوەی ئەرا ژن.
لەیلا ئەرا ئاژانس شەفەق نیوز وت: بایەتە هوشیاری کۆمەڵگا وەرانوەر ئەو سەختیەیلە بوود ک ژن کەفێدە نوای، ک وەبی ژنیگ خوەن ماف خوەی بوود، کۆمەڵگا خاسەو نیەوود، و گشت مافەیل خوەی نیەکەفێدە دەسی.
هەڵمەت رویوەرویبوین تونوتیژی دژوە ژن لە هەرێم کوردستان، ئەرا ماوەی ١٧ رووژ لە گشت ساڵیگ لە ٢٥ تەشرین دویەم دەسوەپی کەێد، ک رووژ جەهانی رویوەرویبوین تونوتیژی دژوە ژنە.
