سلێمانی.. بڕین ریەیلە و سزانن تایەر لەبان کەم ئاوی
شەفەق نیوز/ دەیان لە خۆپیشاندەرەیل لەبان کەمی ئاو نووشین، ئمڕوو یەکشەممە، دەسکردنە بڕین رییەیلە و سزانن تایەر لە پارێزگای سلێمانی لە هەرێم کوردستان.
خۆپیشاندانەگە لەناوچەی تانجەرۆ وەدویری ٣٠ کێلومەتر لە شار سلێمانی لە ناڕەزاییی لە نەوین ئاو نووشین ئەرا ماوەی پەنج ساڵ.
خەندە خان یەکیگە لە خۆپیشاندەرەیلە ئەرا ئاژانس شەفەق نیوز وت: ئمڕوو لەوەر نەوین ئاو لە گەڕەکەگە ئەرا ماوەی ٥ ساڵە، و گیچەڵەگە لەلایەن وەرپرسەیلە چارە نەکریاگە.
وتیش؛ ئاو وە تانکەر وە گران سینیمن، و ئەو توانا نەیریمن؛ و فەرمان کار لە زوڵدان کەێد، وەلێ تا کەی؟ بایەتە دەنگمان بڕەسنیمنە گووش وەرپرسە حکومەتیەیلە.
ناڕەزاییگ تر وەناو فەرهاد عەزیز ئەرا ئاژانس شەفەق نیوز وت: دابینکردن ئاو نووشین ئەرا گەڕەکەگە خوازیمن، و ئیمە ئاو وە تانکەر بایی ٢٠ هەزار دینار سینیمن، و ئەوەیش ئەرامان گرانە.
وتیش؛ گەڕەکەگە ٧٠٠ خیزان هاتە ناوی، و کار لە زوڵدان کەیمن، و زیان لە بیماری وەخوەمان دوینیمن، و حکومەت ئویشێد ئیمە پێشێلکردن لەبان زەویلیلە کردیمنە، وەرەو کاملا روی بکەیمن؟.
