سلێمانی ئامادەکاری ئەرا گەورەترین فیستواڵ کەێد: وە رووشنکردن مەشخەڵ نەوروز لە جادەی سالم تەواو بوود

 هەژان هێرش قسەکەر وەناو بلاتفۆرم (IN سلێمانی) لە کۆنگرەیگ رووژنامەوانی ئاژانس شەفەق نیوز ئامادەی بوی وت: فیستواڵەگە ئمساڵ وەیەکجاری لە ساڵەیل گوزەشتە جیاوازە، ک لە 3/17 دەسوەپی کەێد و تا 3/20 وەردەوام بوود و لە شوینەیلیگ جیاجیا.

هەژان هێرش وتیش: ئمڕوو یەکەم رووژ فیستواڵەگەس، و کەفێدە پارک ئازادی هەر لە ساعەت شەش ئیوارە تا ساعەت یانزەی شەو، و نمایشکردن سێ فیلم کوردی درویژ هاناوی وەگەرد بازاڕیگ ئەرا کوڕ و دویەتەیل.

بەرنامەی رووژ دویەم لە سەرچنار کریەێد، وەگەرد ئاهەنگ هونەری گەورەیگ وە بەشداریکردن بڕیگ لە هونەرمەنەیل، وەگەرد پیشکەشکردن نمایشکردن مناڵەیل و هەر لە ساعەت شەش ئیوارە تا ساعەت یانزەی شەوە، و سێیەم رووژەگە لە شانۆی رۆمانی وە بەشداریکردن هونەری گەورەیگ کریەێد.

لەباوەت چالاکیەیل 3/20  هەژان هێرش وت: لە ساعەت دەی شەوەکی لە هەواری شار دەسوەپی کەێد، وەگەرد مەرهون ناودەوڵەتی ئەرا گەنجەیل، ئمجا خەڵات وە بەشداربویەیل بەشەو کریەێد، و ئاهەنگەگە وە رووشنکردن مەشخەڵ نەوروز لە جادەی سالم تەواو بوود.