سلێمانی یاد تاوان ئەنفال كەێد و داوای گلەوداین روفات قوربانیەیل ئەنفال و قەرەبووکردنیان (وینە)
پەیامنێر ئاژانس شەفەق نیوز راگەیان، مەراسیمەگە لە مۆنۆمێنت ئەنفال لە چەمچەماڵ، ەە ئامادەبوین سەرۆک شارەوانی قەزای چەمچەماڵ، رەمک رەمەزان و بڕیگ زەرپرس حکومی و حزبی، ومەردم فرەیگ، وەگەرد کەسوکاریەیل قوربانیەیل ئەنفال وەڕیەو چگ.
لە مەراسیمەگە پێشانگای فۆتۆگرافی وینەی قوربانیەیل ئەو تاوان دڵتەزەنە پیشکەش کریا.
بەشداربویەیل مەراسیمەگە داوا لە حکومەت عراق و حکومەت هەرێم کوردستان و گشت لایەنە سیاسییەیل و وەتایبەت وەزارەت شەهیدان و ئەنفال کردن، تەقەلا زیاتر بیەن ئەرا گلەوداین روفات قوربانیەیل ئەنفال و قەرەبووکردن قوربانیەیل وەشیوەیگ هاوسەنگ لەگەڵ قوربانیەیلیان.
ساڵانە خەڵک چەمچەماڵ لە پارێزگای سلێمانی و ئەو شارەیل کوردستان هەڵمەتە بەدناوەگەی ئەنفال، ئەو تاوان رژێم بەعسە دژ وە گەل کورد ئەنجامی داس، وەیاد تیەرنەو.
لە هەشتایل سەدەی گوزەشتە رژێم بەعس هەزاران کەس بیچەک بیتاوان ناوچە جیاجیایل کوردستانەو بردە دەیشت و لە بیاوانەیل ناوڕاس و باشوور عراق زنەوەچاڵیان کرد و تا ئیسەیچ شمارەی فرەیگیان بیسەروشوینن و چارەنویسیان نادیارە.
لە ساڵ 1988 هەڵمەت سەربازی وە ناو “ئەنفال” دەسوەپی کرد، کە لەناوی هەزاران ئاوای کورد لە هەرێم کوردستان کردە ئامانج و لە ئەنجامی هەزاران ئاوای ویران بوین و زیاتر لە 182 هەزار دەسگیر و سەرنقومیان کریا. لە ٢١ شوبات روفات ١٧٢ ئەنفالکریای گلەو دریا.
