سزادان دادگا لەبان نۆ کەس لە وەکارهاوەیل مادەی هوشبەر لە گەرمیان

شەفەق نیوز/ وەڕێەوبەرایەتی ئاسایش ئیدارەی گەرمیان، ئمڕوو  یەکشەممە، سزادان 9 وەکارهاوەر مادەی هوشبەر  راگەیان.  

وەڕێەوبەرایەتی ئاسایش ئیدارەی گەرمیان لە بەیاننامیگ رەسیە ئاژانس شەفەق نیوز وت، دادگای تاوانەیل کەرکوک- گەرمیان سزای 9 کەس دا وە یەک ساڵ زندانیکردن ک تۆمەتبارن وە وەکارهاوردن مادەی  هوشبەر. 

وەگورەی بەیاننامەگە، لەماوەی یەک مانگ گوزەشتە نۆ کەس وە تۆمەت وەکارهاوردن مادەی هوشبەر دەسگیرکریانە، دیاریکرد دۆسیەگەیان ئەرا دادگا کلکریاس و لە وەردەم دادوەر  دان وە تاوانەیلیان دانانە. 

دادگای تاوانەیل کەرکوک گەرمیان سزای  یەک ساڵ زندانی ئەرا تاوانبارەیل دەرکردیە.  تۆمەتبارەیلە تەمەنیان ها مابەین 25 -40 ساڵ، چوارکەسیان خەڵک کوردستان خوەرهەڵاتن و ئەوەکانتر دانشتگ گەرمیانن.