سەندیکای رووژنامەنویسەیل کوردستان ئامار پێشێکاریەیل ٢٠٢٢ راگەینێد
شەفەق نیوز/ سەندیکای رووژنامەنویسەیل هەرێم کوردستان، ئمڕوو دووشەممە، ئامار پێشێلکاری و دەسدرۊژی لەبان رووژنامەوانەیل لە هەرێم ئەرا ماوەی شەش مانگ گوزەشتە راگەیان.
محمد عەقراوی ئەندام دەسەی ئیداری سەندیکاگە لە کۆنگرەیگ رووژنامەوانی لە هەولێر، وە بەشداریکردن بڕیگ لە ئەندامەیل سەندیکاگە و ئاژانس شەفەق نیوز ئامادەی بوی وت: وەگورەی راپۆرت سەندیکای رووژنامەنویسەیل کوردستان، ٢٢ پێشێلکاری لەبان رووژنامەنویسەیل توومار کریاگە.
وەگورەی ڕاپۆرتەگە ک شمارەی ٢٩ دیرێد، ئی پێشێکاریەیلە هالە شکانن ئامێر رووژنامەنویسەیل ودەسناین وەبانیان، و قاوداین کۆمەڵی ئەرا رووژنامەنویسەیل لە دامەزراوەیل راگەیانن، بەسانن بەشیگ لە کەناڵەیل راگەیانن.
عەقراوی وتیش: ئی پێشێلکاریەیلە لەبان ٦٢ رووژنامەنویس لە گشت هەرێم کوردستان جیوەجی کریاگە، لەناویان ١٢ دەسگیرکردن و نواگردن لەکار، و ٣ شکانن چشتەیل رووژنامەنویسەیل، و ١١ قاوداین لە دامەزراوەیل راگەیانن، وەگەرد یەک بەسانن دامەزراوەیل راگەیانن توومار کریایە.
