کەسەیلیگ نەناسریاگ دەسیان هاناو دەسدرویژیکردن لەبان زانکۆی سلێمانی وەگەرد نووەبوین خوەینشاندان
شەفەق نیوز/ سەرۆکایەتی زانکۆی سلێمانی، ئمڕوو سێشەممە، توومەتبار کەسەیلیگ نەناسریاگ کرد ک دەسیان هاناو ئەو خراوەکاریە لە بەشیگ لە کتاوخانە و شوینەیلیگ لەناو زانکۆگە، لەوەختیگ پارێزگاگە خوەینشاندان نوویگ وەخوەی دوینێد.
حەسەن باقر وەڕیەوبەر زانکۆی سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: ئەو دەسدرویژیە دویەکە لەبان شوینەیلیگ و کتاوخانەیل زانکۆ بوی لە پشت خوەنیشاندان خوەنەوارەیل زانکۆیل وەدەس خوەنەوارەیل نەویە، باوجی وەدەس کەسەیلیگ نەناسریاگ وە رێکرخراگی بویە.
وتیش: ئەو دەسدرویژی دویەلە لەبان کتاوخانەیل تایبەت لەناو زانکۆ کتاوخانەیل کاریگ وە داوایل ناڕەزایل نەیرن.
حەسەن دووپات کرد ک دەسەیگ تایبەت، شەوەکی ئمڕوو، دەسکردە دیاریکردن بڕ زەرەدەیل.
لەناو خوەینشاندان دویەکە، دەسدرویژی لەبان کتاوخانەیل و شوینەیلیگ لەناو زانکۆی سلێمانی وەلایەن بەشیگ لە ناڕەزایل بوی مەوقەی وەردەوەردە وەگەرد هیزەیل ئەمنی.
ئمڕوو سێشەممە، دووارە خوەنەوارەیل زانکۆی تەکنەلۆجی لە سلێمانی وەناڕەزایی لەبان جیوەجینەکردن داوایلیان خوەینشاندان کردن.
کاروان ئەحمەد یەکیگە لە خوەنەوارە ناڕەزایل، ئەرا ئاژانس شەفەق نیوز وت:هەرچەن ئمڕوو کریا پشوو فەرمی، باوجی ئیمە وەداوای مافەیلمان لە حکومەت خوەینشاندان کردیمن.
کاروان وتیش" خوەینشاندانەگە ک داوای داناین یاسایگ ک پابەند وەزارەت دارایی و خوەنستن باڵا لە کوردستان بکەێد وە خەرجکردن دەرماڵەی مانگانە ئەرا خوەنەوارەیل کۆلێژ و پەیمانگاکان وەشویەیگ وەردەوام، و هەمیش کەمەوکردن پویل خوەنەواری ئیواران، و خاسەوکردن خزمەتگوزاری لە بەشەیل ناوخوەیی هەر وەردەوام مینن تا جیوەجیکردنیان.
لەلاییگتر، خەڵک پێنجوێن لە پارێزگای هەڵەبجە لەبان گرانی نرخ نەفت ناڕەزایی کردن، ک حکومەت بەشیەو کەێد، و رییگ سەرەکی بەسان.
وەگورەی زانیاریەیلیگ لەلایەن هاووڵاتییەیلیگ ناڕەزا کەفتنە دەس ئاژانس شەفەق نیوز، خەڵک پێنجوێن دەسکردنە خوەینشاندان لەبان گرانی ئەو نەفتە ک بڕیارە سوو چوارشەممە حکومەت بەشیەو بکەێد.
ناڕەزایل ریەیل لە پێنجوێن وەرەو سلێمانی و ری ستراتیژی وەرەو مەرز باشماخ بڕین.
