سەیرانگەیگ لە هەرێم کوردستان بڕیاریگ لە بەرژەوەنی گەشتیارەیل دەرکەێد
2021-03-21T07:34:33+00:00
شەفەق نیوز/ لالە سەرحەد قایمقام قەزای دۆکان، ئمڕوو یەکشەممە، هووشداری ئەرا هەر کەسیگ دا نرخەکان لە ماوەی رووژەیل جەژن نەورووز بەرزەو بکەێد، ئەوەسا مووڵەت کارەکەی لەلی کیشیەێدەو.
سەرحەد لە بەیاننامەیگ وت: قایمقامیەت رینمایلیگ تەندروسی ئەرا خاوەن شوونە گەشتوگوزاریەکان دەرکرد، و دووپات کرد ک دەسەی ئەمنی و گەشتوگوزاری لە دۆکان ئەوەسا لە نزیکەو چەودیری رەوشەیل لە رووژەیل نەورووز کەێد.
جی باسە ک پارێزگای سلێمانی رینمایلیگ دەربارەی جەژنەیل نەورووز وە سەختەوکردن ریکارە مقەیەتیە تەندروسیەکان لە شوونەیل ئاهەنگەیل دەرکرد.
