سەیران دوو برا لە هەولێر بوودە کارەساتیگ
2023-06-17T09:41:07+00:00
شەفەق نیوز/ دویای دوو رووژ مینەکردن، وەڕیەوبەرایەتی وەرگری شارستانی لە ئیدارەی ناوچەی سەروەخوەیی سۆران لە هەرێم کوردستان، ئمڕوو شەممە، دراوردن تەرم کەسیگ لە چەم کانی ماران راگەیان، دویای خنکیامی خوەی و براگەی پیرەکە پەنجشەممە.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: ئمڕوو تەرم هاووڵاتی (هەڵوێست شاکر ئەحمەد) وەلایەن تیمەیلی پەیا کریا، وە دویری نزیکەی یەک کێلومەتر لە شوین رویداو خنکیانی.
هەرلیوا، رووژ پەنجشەممەی گوزەشتە، وەرگری شارستانی خنکیان هەر لە (هەڵوێست) لەداڵگبوی ساڵ ١٩٩٧، و براگەی (مەبەست) لە داڵگبوی ساڵ ١٩٩٨، خەڵک هەولێر گەڕەک فەرمانبەرەیل لە چەن کانی ماران راگەیان، دویای ئەوە ک وەگەرد دوو باکور هاتنە سەیران، وەلێ وەداخەو چوینکە پابەند وە رینمایل وەرگری شارستانی نەوینە، کەفتنە ئی کەلەمە.
وەڕیەوبەرایەتی وەرگری شارستانی لە سۆران لەو وەختە وتیش: توەنست تەرم مەبەست شاکر ئەحمەد لە ئاو درارێد، و ئەرا فەرمانگەی پزشک دادوەری لە ناوچەگە کلی کرد.
