سەرۆک وەزیرەیل یونان وەی نزیکە سەردان عراق و هەرێم کوردستان کەێد
شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو جمعە، چەوی کەفتە کیریاکوس کیتسوتاکیس سەرۆک وەزیرەیل یونان لە ئەسینای پایتەخت.
حکومەت هەرێم کوردستان لە بەیاننامەیگ وت: لە کۆبونەوەگەی گ باس لە شیوەیل بتەوکردن پەیوەندیەیل ناوبەین هەرێم کوردستان و یونان کریا، و هەمیش باس لە نووەوەبویەیل لە عراق و گشت ناوچەگە کریا.
سەرۆک حکومەت باس پەیوەندی دووسیەیلە لەناوبەین هەرێم کوردستان و یونان کرد، و باس لە ئارەزوو هەرێم کوردستان لە تەکاندان پەیوەندیەیل مێژووی وەرەو چینەیلیگ فراوانتر کرد، وەتایبەت لە کەرتەیل بەرهەمهاوردن و گواستنەوەی بازرگانی، و باس لە ئومید خوەی کرد ک سەرۆک وەزیران یونانی وەی نزیکە لە هەرێم کوردستان بوینێد.
هەرلیوا، سەرۆک وەزیرەیل یونان باس لە خوەشخاڵییم وە سەردان شاند پایەبەرز حکومەت هەرێم کوردستان کرد،و باسی و سەردان مێژووی و یەکەم لە شیوەی کرد ک سەرۆک وەزیران هەرێم کوردستان سەردان یونان بکەێد، هەمیش ئامادەیی وڵاتەگەی ئەرا بتەوکردن پەیوەندیەیل دووانی وەگەرد هەرێم کوردستان نشان دا، وتیش؛ ئەوەسا وەی نزیکە سەردان عراق و هەرێم کوردستان وەیاوەری شاند پایەبەرزیگ لە حکومەت یونان و بەرهەمهاورەیل کەێد.
لە کوبونەوەگە هەمیش باس پەیوەندیەیل ناوبەین هەرێم کوردستان و حکومەت فیدڕاڵی و گەشەیل ناوچەگە وەگشتی کریا،و هەمیش رووشنایی خریا بان هەڕەشەیل تیرۆر و جەنگ دژوە داعش و باوەتەیلیگ تر.
