سەرۆک هەرێم کوردستان چەوی کەفێدە سەرکردەیل "گۆڕان" لە سلێمانی

شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، چەوی کەفتە سەرکردەیل بزووتنەوەی گۆڕان لە پارێزگای سلێمانی.  

پەیامنێر ئاژانس شەفەق نيوز لە سلێمانی وت: نێچیروان بارزانی سەرۆک هەرێم کوردستان، ئیوارەی ئمڕوو، رەسیە بارەگای بزووتنەوەی گۆڕان لە پارێزگاگە، وباس چەوپیکەفتنی وەگەرد سەرکردەیل بزووتنەوەگە کرد. 

وەرجەیە، سەرۆک هەرێم کوردستان، دووپات کرد ک سەردانی ئەرا پارێزگای سلێمانی وەخاتر لەناوبردن ژاوەژاو و بتەوکردن هاوکاری ناوبەین سەرکردەیل کورد هات. 

شەوەکی ئمڕوو، نێچیروان بارزانی سەرۆک هەرێم کوردستان رەسیە پارێزگای سلێمانی وەیاوەری بافڵ تاڵەبانی سەرۆک یەکێتی نیشتمان کوردستان، ئەرا بەشداریکرن لە رسوومەیل دەرچگن چین شانزەهەم لە خوەنەوارەیل کولێژ سەربازی.