سەرۆک هەرێم کوردستان وە زبری نەفرەت لە رویداو بازاڕ کریسمەس لە ئەڵمانیا کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو شەممە، و وە زبری نەفرەت لەوە کرد کە وەپی وت؛ (پەلامار وەحشیانە) کە دویەشەو لەناو بازاڕ دیاریەیل جەژن کریسمەس لە ماگدیبورگ مەردم کردە ئامانج، و بویە هوکار کەفتن بڕیگ کوشیان و دەیان زەخمداری.

سەرۆک نێچیروان بارزانی لەبان پلاتفۆرم ئێکس نویسان: ئیمە لە هەرێم کوردستان لەی وەختەیل سەختە وەگەرد گەل ئەڵمانیا وسیمن.

وتیش: دڵ و هویرمان کەفتیەسە لای بنەماڵەیل قوربانیەیل، و ئومید خاسەوبوین زویوەزوی ئەرا زەخمدارەیل خوازیمن.

میدیایل راگەیانن لە ئەڵمانیا، لە زوان وەرپرسیگ لە حکومەت وت: ماشینیگ بڕیگ کەس لەناو بازاڕ دیاریەیل جەژن کریسمەس لە ماگدیبورگ تلانیە.

رووژنامەی "بيلد" کەفتن 11 قوربانی لەلای کەمەو و نزیکەی 80 زەخمدار راگەیان، دویای ئەوە کە ماشینیگ ئەرا مەودای ٤٠٠ مەتر مەردمەگە تلان.

ئۆلاف شولتس سڵاکار ئەڵمانی لە بەیاننامەیگ وت: رویداو تلیان ناو بازاڕ کریسمەس بەدترین رخداری دروس کەێد.

شۆلتس وتیش: هویرم کەفتیەسە لای قوربانیەیل و خیزانەیلیان، ئیمە وەگەرد ئیوە وسیمن و وەگەرد گەل ماگدیبورگ، سوپاس لە کارمەنەیل رزگارکردن کەم لەی ساعەتەیل سەختە.