سەرۆک هەرێم کوردستان وەگەرد باڵیۆز فەرنسا باس بڕیگ باوەت کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، وەگەرد ئیرێک شوفالێە باڵیۆز فەرەنسا لە عراق، باس نووەبویەیل رەوش سیاسی وئاسایش لە عراق کرد، وهەمیش تەقەلایل پەسەنکردن سەرۆک کۆمار، و دروسکردن حکومەت فیدراڵی هاتگ.
نویسینگەی بارزانی لە بەیاننامیگ وت: باس لە پەیوەندیدیل هەولێر-بەغداد، نواگردن مەترسیەیل داعش تایبەت لە ناوچەیل ١٤٠،گەشەیل لە ناوچەی شنگال، رەوش هەرێم کوردستان و هەڵوژاردن پەرلەمانی هاتگ کریا.
باڵیۆز فەرەنسا دووپات کرد لە گرنگیدان وڵاتەگەی وە ئەوزەڵکردن پەیوەندیەیل وەگەرد عراق و هەرێم کوردستان، وباس گرنگی ئاسایش و ئارامی عراق لە ئارامی گشت ناوچەگە کرد.
لەلای خوەییش، سەرۆک نێچیروان بارزانی، دووپات لەوە کرد ک چارەکردن گرفتەیل هەولێر-بەغداد کلیل ئاسایش و ئارامی عراقە، وگرنگە میکانیزمیگ ئەرا گفتوگۆ و چارەکردن گرفتەیل گیرهاتگ ناوبەینیان بوود.
هەردوگ لایەن ڕێک کەفتن لەبان گرنگی وەردەوامی هاوکاری و هەماهەنگی ناوبەین پێشمەرگە و سوپای عراق، وە پالپشتی هیزەیل هاوپەیمان ناودەوڵەتی، لە نواگردن هەڕەشەیل داعش، وەتایبەت لە ناوچەیل ١٤٠.
رەوشەیل ناوچەگە وەگشتی، تەقەلایل چەسپیان بازاڕ وزەی جەهانی و پایە وگرنگی خوەرهەڵات ناوڕاس لەی باوەتە، پەیوەندیەیل هەرێم کوردستان وەگەرد دەوڵەتەیل ناوچەگە، وەگەرد باوەتەیلیگ ک لەلای هەردوگ لایەن گرنگە، بوینە تەوەرەیل ئەو گردەوبوینە ک بەڕێز ئۆلیڤێە دیکۆتینی قونسڵ گشتی فەرەنسا لە هەرێم کوردستان ئامادەی بوی.
