سەرۆک هەرێم کوردستان وەگەرد کاروەدەس باڵیۆزخانەی ئەمریکا گفتوگوو لەبان یەکخسن چەک و پشتگیری لە بەغدا کەێد
شفق نیوز- هەولێر
سەرۆک هەرێم کوردستان نێچیروان بارزانی، ئمڕوو دووشەممە، پیشوازی لە کاروەدەس نوو بالیۆزخانەی ئەمریکا لە عراق کرد، بالیۆز ستیڤن فاگن، و پیرۆزبایی کارە نووەگەی کرد، هیوای سەرکەفتن و سەرفرازی لە کارەگەی ئەرای خوازی، دووپاتکرد لە ئامادەکاری هەرێم وە تەواوی ئەرا پاڵپشتیکردن و سەرکەفتن ئەرکەگەی.
لە دیدارەگە، وەپای بەیاننامەیگ کەلە سەرۆکایەتی هەرێم دەرچگە، گفتوگووکریا لەبان پەیوەنی ناوەین عراق و هەرێم کوردستان و ئەمریکا، ئەرا ئەوزەڵداین دەسمیەتی هاوبەش لە مژارەیل جیاواز، لەلایگترەک بارودۆخ ناوخوەی عراق و پەیوەنی ناوەین هەولێر و بەغدا گرنگی چارەسەر گیچەڵەیل لەری گفتوگوکردن.
کاروەدەسە نووەگەی بالیۆززخانەی ئەمریکا دەسخوەشی لە رۆل کوردستان کرد لە عراق و ناوچەگە، دووپاتکرد لە گرنگی سەقامگیری و ئەزەڵداین پەیوەنی وڵاتەگە وەرد عراق و هەرێم کوردستان لە گشت مژارەیل.
لە دیدارەگە باس لە پاڵپشتی حکومەت فیدڕاڵی عراق و گرنگی سنووردارکردن چەک وەدەس دەوڵەت کریا، وەگەرد بارودۆخ ناوخوەی و گرنگی رێککەفتن و یەکرزی لە هەرێم کوردستان، و دویا پیشهاتەیل ناوچەگە.
