سەرۆک هەرێم کوردستان لە دووارەوبوین رویداوەیل تەقیان غاز نیگەرانە و داوای نووڕینیگ لەی باوەتە کەێد

شەفەق نیوز/ نێچیروان بارزانی سەرۆک هەرێم کوردستان، ئمڕوو سێشەممە، سەرەخوەشی لە کەسوکارەیل ئەو قوربانیەیلە کرد ل لەوەر تەقیان سیستەم غاز لەناو بەش ناوەخوەیی لە شار دهۆک کەفتنە، و وە رویداویگ زیاندار باسی کرد.

سەرۆک نێچیروان بارزانی لە بەیاننامەیگ باس لە ئومیدی وە خاسەوبوین زوییگ ئەرا زەخمدارەیل کرد، و ئامادەیی خوەی ئەرا پیشکەشکردن هەر دەسمیەتییگ ئەرا قەیران چارەسەرکردنیان نشان دا.

وتیش: دوواروبوین رویداوەیل تەقیان غاز جی نیگەرانی و مەترسی راسییگە، و بایەتە لایەنەیل پەیوەندیدار وە زویترین وەخت بنووڕنە ئی باوەتە، و چەودیارییگ خاستر لەبان سیستەم غاز بنەن، و ریکارەیل بیوەیی جیوەجی بکەن ئەرا گەرەنتی نواگردن ئیجویر رویداوەیل زیانداریگ.