سەرۆک هەرێم کوردستان  شەرمەزار پەلامار داعش لە دیالە کەێد

شەفەق نيوز/ نێچیروان بارزانی سەرۆک هەرێم کوردستان، ئمڕوو چوارشەممە، شەرمەزار ئەو پەلامار خۊینینە کرد لەلایەن داعش لەبان ئاوای رەشاد لە قەزای موقدادیە سەروە پارێزگای دیالە، ک بۊیە هووکار شمارەیگ لە قوربانی و زەخمدارەیل مەدەنی.     

سەرۆک بارزانی لە بان هەژمار تویتەر نۊسان: وە تونترین شیوەیلەیگ شەرمەزار پەلامار خۊینین ناکاوی لەبان کەسەیلمان لە دیالە کەیمن، ک دووارە دووپات لە گرنگی وەسیانمان گشتمان وەیەکەو لە پشت هێزەیل ئەمنیمان لەنوای ئی مەترسیە ک هیمان پەلامارمان دەێد.     

وتیش: دروود ئەرا گیان شەهیدەیلمان و چارەسەری ئەرا زەخمدارەیلمان، هاوخەم کەسەیلمانیم لە موقدادیە لەی کەلەمەی زیناندارە.