سەرۆک هەرێم کوردستان سەردان ئیمارات کەێد ئەرا بەشداریکردن کۆنفرانس "COP28"
2023-11-30T13:20:43+00:00
شفق نيوز/ بڕیارە ئمڕوو پەنجشەممە، سەرۆک نێچیروان بارزانی بڕەسێدە شار دوبەی، ئەرا ئەو بانگەیشت فەرمیە کە وەلایەن شێخ محەمەد بن زاید ئال نهیان سەرۆک وڵات ئیمارات عەرەبی کردیە.
سەرۆکایەتی هەرێم لە بەیاننامەیگ ئمڕوو راگەیان، سەردانەگەی سەرۆک نێچیروان بارزانی ئەرا بەشداریکدنە لە کۆنفرانس ئاڵشتبوین کەشوهەوای وڵاتە یەکگرتگەیل (COP28) کە سوو جومعە لە شار ئکسبو لە شار دوبەی ئەنجام دریەد وە هاو وەخت وەگەرد رووژ نیشتیمانی وڵات ئیمارت عەرەبی وە بەشداریکردن و ئامادەبوین شمارەیگ لە سەرکردەیل جەهان
وڵات ئیمارت عەرەبی سەرۆکایەتی ئی خول کۆنفرانسە کەێد ماوەی دوو رووژ وەردەوام بوود ئاڵشتکاری باوەتەیل پەیوەنیدار وە ئاڵشتبوین کەشوهەوا کرێد لە پێناو رویوەروی بوین ئاڵنکاریەگان و رۆل وڵاتەیلە لە کەمەوکردن مەترسیەگانی.
