سەرۆک هەرێم کوردستان سەردان تورکیا کەێد
2024-03-01T08:06:09+00:00
شەفەق نیوز/ بڕیارە ئمڕوو جمعە، نێچیروان بارزانی سەرۆک هەرێم کوردستان سەردان تورکیا بکەێد ئەرا بەشداریکردن لە دیدار دیبلۆماسی ئەنتالیا.
کارەیل دیدارەگە لەژیر دروشم (دیارداین دیبلۆماسی لە نواگردن قەیرانەیل) وە چەودیاریکردن ڕەجەب تەییب ئەردۆگان سەرۆک کۆمار تورکیا، و ئامادەبوین سەرۆکەیل زیاتر لە ١٠٠ دەوڵەت، و تا ماوەی سێ رووژ لە ١-٣ مانگ ئادار وەردەوامە.
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: سەرۆک نێچیروان بارزانی ئمڕوو سەردان شار ئەنتالیای تورکیا کەێد ئەرا ئامادەبوین لە دیدارەگە.
بەیاننامەگە وتیش: سەرۆک هەرێم کوردستان لەناو ئەو دیدارە کە نا ماوەی سێ رووژ وەردەوامە گردەوبوین و چەوپیکەفتن وەرد بڕیگ لە بەشداربویەیل کورد و باس پەیوەندیەیل و رەوشەیل ناوچەگە وەشیوەی گشتی کەێد.
وەگورەی بەیاننامەگە، بەشداربویەیل ئەوەسا باس باوەتەیل جەنگ و تیرۆر و کووچبەری و رخەیل ئاڵشتبوین کەشوهەوا و بڕیگ لەو باوەتەیل ترەک کەن.
