سەرۆک هەرێم کوردستان پرسەو سەرەخوەشی لە قوربانیەیل زەویلەرزەگە کەێد

بارزانی لە تویتیگ راگەیان " هویرم و دوعایەیلم ها وەگەرد زەرەدمەنەیل زەویلەرزەگە ک لە شەوەکی زوی لە ناوچەگەمان رویدا، و پرسە و سەرخوەشی خوەم ئاراستەی قوربانیەیل کەیمن و هیوای خاسەوبوین زەخمدارەیل کەیمن".

وە لایگیش وەزارەت گواستنەوە وپەیوەندی ئمڕوو دووشەممە راگەیان زەویلەرزەیگ لە هەرێم کوردستان رویدایە.

وەزارەتەگە لە بەیاننامەیگ رەسیە ئاژانس شەفەق نیوز وت، لە ساعەت 4:17 شەوەکی ئمڕوو زەویلەرزەیگ لەمابەین تورکیا و سوریا و عراق رویدایە و ناون لەرزەگە شار غازی عەنتاب بویە لە تورکیا وە هاز 7.8 پلە لەبان پەیمانەی رەختەر".

وتیش، لە دویای سێ خوڵەک لە ساعەت 4:20 لەرزەگە رەسیەس پارێزگایەیل هەرێم کۆردستان و هازەگەی  4.7 پلە لەبانپەیمانەی رەختر بویە و دیاریکرد دانشتگەیل دهۆک زیاتر کاریگەر بوینە وەی لەرزە.