سەرۆک هەرێم کوردستان رەسێدە بەغداد
![سەرۆک هەرێم کوردستان رەسێدە بەغداد](https://media.shafaq.com/media/arcella/1712402663132.jpg)
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: نێچیروان بارزانی سەرۆک هەرێم کوردستان لە سەردانەگەی وەگەرد لەتیف ڕەشید سەرۆک کۆمار عراق و محمد شیاع سودانی سەرۆک وەزیرەیل فیدراڵی عراق گردەو بوون، بیجگە لە بەشداریکردن لە گردەوبوین هاوپەیمانی ئیدارەی دەوڵەت و چوارچبوەی هەماهەنگی.
لە بەیاننامەگە وتیش: لە دیدارەیلی وەرد سەرکردە و وەرپرسەیل باڵای عراق، نێچیروان بارزانی، سەرۆک هەرێم کوردستان باس لە چارەسەرکردن ناکۆکییەیل هەولێر و بەغدا و رەوش سیاسی عراق و هەرێم کوردستان و چەن پرسیگ ترەک کەێد.
سەرچەوەیگ سیاسی ئاگادار، دویەکە خەوەردا کە رووژ شەممە، نێچیروان بارزانی، سەرۆک هەرێم کوردستان بەشداری گردەوبوینیگ نائاسایی وەرد هاوپەیمانی ئیدارەی دەوڵەت کەێد، وە ئامادەبوین ەسودانی و ئەو سەرکردەیل.
سەرچەوەگە دیاری کرد کە لە گردەوبوینەگە باس ڕێککەفتنە سیاسییەیل و باوەتە گیرهاتگەیل ناوەین بەغدا و کوردستان کریەێد.
ئاژانس شەفەق نیوز، پیرەکە پەنجشەممە، لە سەرچەوەیل ئاگادار زانستیە کە نێچیروان بارزانی، سەرۆک هەرێم کوردستان سەردان بەغدای پایتەخت کەێد ئەرا گفتوگۆکردن لەبان چەن باوەتیگ.
لەی باوەتە; دڵشاد شیهاب، قسەکەر فەرمی سەرۆکایەتی هەرێم کوردستان ئەرا ئاژانسمان ڕاگەیان؛ “سەرۆک نێچیروان بارزانی وەگەرد محمد شیاع سودانی، سەرۆکوەزیرەیل عراق گردەو بوود”.
وتیش: "لەی سەردانە بارزانی چەن باوەتیگ وەرد وەرپرسەیل عراق تاوتو کەێد، جویر بودجە و مووچە و نەفت و دەسکردن وە هەناردەکردنی، یەیش بیجگە لە پەیوەندییەیل ناوەین هەولێر و بەغدا و باوەتەیلیگ ترەک".