سەرۆک هەرێم کوردستان دووپاتکێد لەبان فراوانکردن مژارەیل هاوکاری وەگەرد چین
2023-10-24T15:33:04+00:00
شەفەق نیوز/ سەرۆک هەرێم کوردستان نێچیروان بارزانی، ئمڕوو سێشەممە، دووپاتکرد لەبان پێویستی فراوانکردن مژارەیل هاوکاری هاوبەش وەگەرد چین، هەمیش کۆنسۆل چین نیاز خوەی لە وازکردن بەشیگ ئەرا وەپیدان ڤیزای چگنە ناو وڵاتەگەیان وازبکەێد.
راگەیانن سەرۆکایەتی هەرێم لە بەیاننامەیگ رەسیە ئاژانس شەفەق نیوز راگەیان، دویای نیمەڕووی ئمڕوو، پیشوازی کۆنسۆل گشتی نوو کۆمار چین لیۆ جیون کرد، وەبوونەی وەرگردن پۆستەگەی و هیوای سەرکەفتن لە وەجی رەسانن ئەرکەیلی، دووپاتکرد لەبان پاڵپشتی تەواویگ لایەنەیل پەیوەنیدار لە هەرێم کوردستان ئەرا سەرکەفتن لە کار و ئەرکەیلی.
هەردگ لا گفتوگوکردن لەبان پەیوەنیەیل کۆمار چین وەگەرد عراق و هەرێم کوردستان و دووپاتکردن لەبان ئامادەکاری و خواست دوو لایەنە ئەرا پتەوکردن مژارەیل هاوکاری هاوبەش.
لەو چوارچمگە، کۆنسۆل گشتی کۆمار چین باس لە پیلان نوویگ کرد ئەرا کۆنسۆڵخانەگە و دروسکردن بینایگ ئەرا کۆنسۆلخانەگە لە هەولێر.
