سەرۆک هەرێم کوردستان تەشرین دویەم ئایندە ئەرا جیوەجیکردن هەڵوژاردن پەرلەمان دیاری کەێد

دڵشاد شەهاب قسەکەر سەرۆکایەتی هەرێم کوردستان لە کۆنگرەیگ رووژنامەوانی لە هەولێر پەیامنێر ئاژانس شەفەق نیوز ئامادەی بوی وت: ئمڕوو یەکشەممە، ٢٦ مانگ ئادار ٢٠٢٣، سەرۆک هەرێم کوردستان وەگورەی یاسای شمارە یەک ئەرا ساڵ ٢٠٠٥ لە یاسای سەرۆکایەتی هەرێم کوردستان، فەرمانیگ ئەرا ئەنجامدان هەڵوژاردن پەرلەمان کوردستان لە خول شەشەمی دەرکرد، ک رووژ 18/11/2023 جویر مەوقەی جیوەجیکردن ئەو هەڵوژاردنە دیاری کەێد.

 شەهاب لە خوەنستن فەرمانگە وت: داوا لە گشت هیزەیل سیاسی کەیمن چەودیاری بەرژەوەنی گشتی بکەن، و گشت گرفتەیل ک پەیوەندی وە کۆمسیۆن باڵای هەڵوژاردن و ریفراندۆم و ئەوەکان لە هەرێم کوردستان دیرێد چارەسەر بکەن، ئەرا سەرکەفتن هەڵوژاردنەگە.  

 وەگورەی فەرمانەگە، سەرۆک هەرێم کوردستان هەمیش داوا لە نەتەوە یەکگرتگەیل کرد پاڵپشتی هەرێم کوردستان بکەێد تا هەڵوژاردنەگە سەربکەفێد.

شەهاب وتیش: سەرۆکایەتی هەرێم کوردستان دووپات لەبان مقیەتیکردن ماف پیکاتەیل لەناو هەڵوژاردن بکریەێد، و نەبایەت هویچ بڕیاریگ وەزوور لەبانیان بچەسپێد.