سەرۆک هەرێم کوردستان بریارەیل نوویگ دەربارەی پێشمەرگە راگەینێد
![سەرۆک هەرێم کوردستان بریارەیل نوویگ دەربارەی پێشمەرگە راگەینێد](https://media.shafaq.com/media/arcella/1620046723468.jpeg)
شەفەق نیوز/ نێچیروان بارزانی سەرۆک هەرێم کوردستان، ئمڕوو دووشەممە، کۆبونەوەیگ وەگەرد فەرماندەیل هێزەیل وەزارەت پێشمەرگە کرد، لە پشت کۆبونەوەیگ هەماهەنگی وەگەرد دەسەڵاتەیل لە بەغداد، لە شوین پەلاماریگ لەبان هێزەیلیگ عراقی و پێشمەرگە لە ناوچە دابڕیایەکان.
سەرۆکایەتی هەرێم کوردستان لە بەیاننامەیگ وت: بارزانی لە ناو کۆبونەوەگە باس رەوشەیل پێشمەرگە و دویاترین گەشەیل لە نواگردن ریخریاگ داعش و تەقەلایل رێکخستن وەزارەتەگە و ئەو ریگرەیلە لەنوای کرد.
هەمیش کۆبەنەوەگە باس لە گامەیل پڕۆژەی چاکسازی لە وەزارەت پێشمەرگە کرد و پاڵپشتی ودەسمیەتی هاوپەیمان ناودەوڵەتی و کەمی وخوازین وەزارەت پێشمەرگە و چوینیەتی چارەکردنیان، وهەماهەنگی وەگەرد هێزەیل فیدڕاڵی وهێزەیل هاوپەیمان ناودەوڵەتی دژوە داعش وە تایبەت لە ناوچەیل مادەی ١٤٠. لەو کۆبونەوە ک جیگر سەرۆک هەرێم و وەزیر پێشمەرگە وسەرۆک ئەرکان و ئەمیندار گشتی وەزارەت پێشمەرگە و سەرپرشتیاریەیل هێزەیل ٧٠ و ٨٠ ئەرا پێشمەرگە و بڕیارکار دەسەگە ئامادەی بوین، و بڕیار دریا لایەنەیلیگ پەیوەندیدار تر لە حکومەت بخریرنە ناو دەسەگە و وەزوی خوازینەیل پێشمەرگە لە سەنگرە وەردەمینەیل دابین بکریەن و کار وەگەرد لایەنە عراقیەکان بکریەێد ئەرا پڕەوکردن بۆشاییە ئەمنیەکان لەناوبەین پێشمەرگە وهێزەیل فیدڕاڵی.