سەرۆک هەرێم کوردستان باس شەش باوەت وەگەرد وەزیر دەرەوەی لۆکسمبۆرگ کەێد
شەفەق نیوز/ سەرۆک هەرێم کوردستان نێچیرڤان بارزانی و جان ئەسیلبوورن کووبۊنەوەیگ سازدان باس لە دۊاین پیشهاته‌یل دۆخ سياسيى عراق، په‌يوه‌ندييه‌یل ناوبەین هه‌ولێر ـ به‌غدا و گفتوگو ئەرا چاره‌سه‌ركردن گرفتەیلیان، وەگەرد دۆخ ئێزديەیل و ناوچه‌ى شه‌نگال و پێكهاته‌گان له ده‌شت نه‌ينه‌وا و دۆخ ئاواره و په‌نابه‌رەیل له هه‌رێم كوردستان کریا.
وەگورەی بەیاننامەیگ لە سه‌رۆكایەتی هەرێم، نێچيرڤان بارزانى دووپات كرد ک كليل ئارامى و سه‌قامگيريى عيراق، چاره‌سه‌كردن گرفتەیل نوان هه‌رێم كوردستان و حكومه‌ت فيدراليى عراقە، و هەردگلا بایەت وه گفتوگو و لە بنه‌ماى ده‌ستوور، ری چارەیگ ئەرا نه‌هیشتن گرفتەیلیان پەیابکەن.
لەلای خوەییش، لە دیاریکردن سه‌ختىەیل سه‌رده‌م جەنگ دژ وە داعش له هه‌رێم كوردستان، وەزیر دەوەوەی لۆکسمبۆرگ پشتگيری وڵاته‌گه‌ى وەگەرد وڵاتەیل ئه‌ورووپا ئەرا هه‌رێم كوردستان و گرنگیدان وڵاته‌گه‌ى وه باوەت پێکهاتەیل و دۆخ ئێزديەیل وه‌تايبه‌تى دووپات كرد و باس له پلان خوەی ئەرا سه‌ردان كه‌مپه‌یلە كرد.
كاريگه‌رييه‌یل جەنگ له ئۆكراينا ته‌وه‌ریگتر لە کووبۊنەوەگە بۊ، سه‌رۆك نێچيرڤان بارزانى دووپات كرد ک هه‌رێم كوردستان له گشت لايگ زياتر هه‌س وه ئازار جەنگ و ئاواره‌يى و نه‌هامه‌تييه‌یل جه‌نگ کەێد، وەی مدوویەش هاوسۆز مەردم ئۆكراينا و قوربانييه‌یلە و هيوا خوازێد كۆتايى وه جه‌نگ باێد و لايه‌نه‌یلە ئاشتيانه له‌ڕی گفتوگۆ گرفتەیلیان چاره‌سه‌ر بكه‌ن.
گفتوگویەیل ڤيه‌ننا و دۆسييه‌ى ئه‌تۆمى، دۆخ سووريا و لیکەفتەیلی و دۊاین پیشهاته‌یل ناوچه‌گه وە گشتى، ته‌وه‌ریگتر کووبۊنەوەگە بۊ.
