سەرۆک هەرێم کوردستان: کارکەیمن شەنگال بووده پارێزگا و سه‌قام داشتوود
شەفەق نیوز/ نێچیرڤان بارزانی سەرۆک هەرێم کوردستان، ئمڕوو دووشەممە، جەختکرده بان كاره‌سات دڵتەزن ئەیزیدیەگان و شەنگال، ک ساڵیاد داگیرکردنی لە لایەن ریخریاگ داعش تیەێد. کەسیگ بڕوای نەکرد و سەرسام جهان کرد، و دووپاتکرد لە هەوڵدادن ئەرا دابینکردن ئارامی و هاوردنەوەی ئاسایش و ئاوەدانکردن شەنگال و ئاڵشتکردنی ئەرا پارێزگا.
بارزانی لە بەیاننامەیگ وەەبۆنەگە رەسیە ئاژانس شەفەق نیوز وت: ئمڕوو وە داخ قویلیگ یادکردنەوەی ساڵیان شەشەم جینۆسایدکردن ئەیزیدیەگان كاره‌ساته دڵتەزنەگەی شەنگال كه‌یمن، وهەمیش وەرێزەو یادکردنەوەی گشت خوەشکو برا ئەیزیدیەگانمان کەیمن ک بینه وینەی قوربانی تاوانیگ بی وینە لەلایەن تیرۆرستەیل داعش. وتیش؛ کەسیگ بڕوا نەکرد ک مرۆفایه‌تی لە سەدەی بیسویەکەم وه ئیجوور تاوانیگ سەرسام جهان بەێد وەخوەی بوینێد، سڵاو ئەرا گیان پاک قوربانیەیل کارەسات شەنگال و گشت خوەشکو برا ئەیزیدیەگان.
وەتیش؛ لە وەختیگ یادکردنەوەی ئی ساڵیاد زیاندارە کەیمن، هیمان له زامه‌یل خوەشکو برا ئەیزیدیەگانمان وەداخەو خوون تکنێد، و هیمان هەزاران لەلیان هانە کامپەیل ئاوارە، وهیمان شەنگال و ئەو ناوچەیل ئەیزیدیەگان ئاوەدان نەکریانە وزەمینەی گونجیاگ ئەرا چگنەوەیان ئامادە نەکریاگە تا ژیان ئەرای باێدەو، وشەنگال بویە شوون چەکدارە نا یاساییەگان ک خەریک جیوەجیکردن ئەجندەیل وبەڕنامەی سیاسی خوەیانن ، لەبان زەخم و زیان ئەیزیدیەگان.
بارزانی هەمیش وت: لەی یادە وەهویر خەیمن ک هەرێم کوردستان هەر وەردەوامبوود لە هەوڵەگانی ئەرا دابینکردن ئارامی و هاوردنەوەی ئاسایش و ئاوەدانکردن شەنگال و ئاڵشتکردنی ئەرا پارێزگا.
و وەگشت شیوەیگ هاوکاری وەل حکومەت فیدڕاڵی و وەڕێوبەرایەی پارێزگای نەینەوا کەێد ئەرا ئەنجام داین ئی ئامانجەیلە، و لە چین ناودەوڵەتی کارکەێد ئەرا بڕیارداین ئی تاوانە جوور تاوان جینۆساید، ئەویش لە ری هاوکاری وەگەرد نەتەوە یەکگرتوەگان و تیم یۆنایتید، وئیجا بردن تاوانبارەیل ئەرا دادگاگان و قرەبوو كردن قوربانیەگان.
وهەمیش وت: خوەشک وبرا ئەیزیدیەگان ئەرا هەزاران ساڵ مقەیەتی خاک و باوەڕ و ئاین خوەیان کردن، وهەمیشە کاریگەری گرنگییگ داشتنه لە کەلتور پێکەوەژیان و خوەشبوین و تا هەتا هەتا وەیجوورە مینن، و لەی یادەکردنەوە دووپاتکەیمن لە قوولەوکردن ئەو کەلتورە و دڵنیای گشت پێکهاتە ئاینی و نەتەوەیەگان کەیمن ک کوردستان پەنای ئارامیگ ئەرا گشتی مینێد، و دووارە پەیمان دەیمنە خاوەن رفیایەگان ک ئیمە ئەوەسا وەردەوام بویمن لە مینەیان و ئازادکردنیان و تەقەلا ئەرا ئاشکراکردن لە چارەنووسیان.
لە کۆتایی بەیاننەمەگەی نێچیرڤان بارزانی سەرۆک هەرێم کوردستان، ئاڕاستەی سڵاویگ ئەرا گیان پاک پێشمەرگە قارەمانەگان کرد ک رزگار شنگال کردن و سەرپەرشتی راستەوخۆ لەلایەن بەڕیز سەرۆک مەسعود بارزانی، وگیان خوەیان پێشکەش کردن، و هەمیش باس لە سوپاس خوەمان کەیمن ئەرا گشت ئەوانە ک دەسمیەتی ئەرا ئەیزیدیەگان لە ناو و لەدەیشت پێشکەش کردن، و دووپات کەیمن ئەرا خوەشکو برا ئەیزیدیەگان ک ئیمە وەردەوام هایمنە وەلیانەو ئەرا ئەنجامداین یەکسانی و دویا رووژیگ خاستر.
