سەرۆک هەرێم کوردستان یاد کوشتار "سێمێل" کەێد
شەفەق نیوز/ نێچیروان بارزانی سەرۆک هەرێم کوردستان، ئمڕوو یەکشەممە، ساڵیاد ئەو کوشتارە کرد ک هیزەیل عراق وەرجە نزیکەی ٩٠ ساڵ وە ئاشووریەیل کردن.
سەرۆک بارزانی لە پۆستیگ لەبان تویتەر نویسان: ئمڕوو ٧ ئاب، رووژ شەهید ئاشووری، وە رێزیگ یاد قوربانیەیل جینۆسایدکردن خوەشک و برای ئاشووریەل کەیمن، ک وەرجە ٨٩ ساڵ وەدەس دەسەڵاتەیل عراقی وەرین لە سێمێل جیوەجی کریا.
وتیش: لەی ساڵیادە دووپات لە وەکەوژیان و وەخشین کەیمن.
جی باسە ک کوشتار "سێمێل" تاوانیگ لەلایەن حکومەت عراق بوی لەبان کەمینەی ئاشووری لە باکوور عراق، لە تاوانیگ جینۆساید لە سەردەم شاه فەیسەڵ یەکەم، وحکومەت رەشید عالی گێڵانی، ک لەناوبەین ٨-١١ی ئاب ١٩٣٣ سەختەو کریا.
ئەو کوشتارە، وەگەرد ناوچەی "سێمێل" لە پارێزگای دهۆک لە هەرێم کوردستان، رەسیە ٦٣ ئاوای ئاشووری لە لیوای مووسڵ ئەو سەردەمە، ک بویە هووکار کوشیان نزیکەی ٦٠٠ کەس وەگورەی سەرچەوەیلیگ بەریتانی، وزیاتر لە ٣٠٠٠ ئاشووری وەگورەی سەرچەوەیلیگتر.
