سەرۆک هەرێم کوردستان یاد هەڵوێست لیوای فڕۆکەوان مەجید ئەلتمیمی وەگەرد قوربانیاەیل شنگال کەێد
سەرۆک نێچیروان بارزانی لە وتارەگەی لەناو مەراسیم یاد دەهەمین ساڵیاد جینۆساید نەتەوەیی ئێزیدییەیل وت: “وەی بوونە وە ناو خوەم و وەناو ئیوە وە گەرمی ئافەرین لە وەرپرسەیل و تیمەیل فەرمانگەی ڕزگارکردن ئێزیدییەیل کەم”.
وتیش: "رزگارکردن و گلەوداین سێ هەزار و ٥٧٩ رفیاگ کاریگ گەورەس و جی دەسخوەشی و پیزانین گەورەس".
سەرۆک هەرێم دڵنیایی دادە ئێزیدییەیل و قسە ئەرایان کرد و وت: ئیمە هەمیشە پاڵپشتیان هەیمن و وەرگری لە مافەیلیان کەیمن، ئیمە وەردەوام بویمن لە تەقەلای ئاڵشتکردن شنگال ئەرا پارێزگا و ئاوەدانکردنی، وتیش: "کار کەیمن تا بەشداریکردن و نوێنەرایەتیکردنی ئێزیدییەیل و گشت پێکهاتەیل، لەڕوی سیاسی و ئیدارییەو، لە دامودەزگایل هەرێم کوردستان و عراق خوازیاگ مقیەتیکریای بوود، وەردەوام بویمن تا جینۆساید نەتەوەیی ئێزیدییەیل لە ئاست جەهان زیاتر بناسیەێد و قەرەبوو بکریەن”.
هەمیش وت: دەسخوەشی لە گشت ئەو کەسەیلە کەم کە ئمڕوو لە هەر شوینیگ یاد ئی یادەوەرییە خەمناکە کەن، سوپاس و پیزانین ئەرا گشت ئەوانەگ لە یەکەم ساعەتەیل جینۆساید نەتەوەیی شانوەشان خوەشک و برا ئێزیدیەیل و خەڵک شنگال وسیان، وەتایبەتی خەڵک دڵسووز و میواندووس دهۆک و بادینان وە گشتی، کە وە گشت شیوەیگ باوەشیان واز کردن ئەرا وەرگردن خەڵک کەلەمەدیەیل شنگال، مرۆڤایەتی و بەخشندەیی ئەوان هەرگیز لەهویر نیەچوود.
نێچیروان بارزانی سەرۆک هەرێم کوردستان لە کۆتایی قسەیلی وە ڕێزگردن “ئەرا یادەوەری و گیان پاک فڕۆکەوانی عراقی لیوا (مەجید عەبدولسەلام ئەلتمیمی)، کە مەوقەی دەسمیەتیدان قوربانیەیل شنگال شەهید بوی”، وت: سڵاو لە گیان پاکی، و لەیرەو جاریگ ترەک سڵاو و پیزانین و خوەشەویستی خوەمان وە خیزانەگەی ئویشیمن”.
لیوای فڕۆکەوان مەجید ئەلتمیمی لە 12ی ئاب 2014 لەوەر وەخوارکەفتن کۆپتەرە سەربازییەگەی لەبان لویتکەی کویەی شنگال مەوقەی تەقەلای هەڵگردن ئەو ئێزیدیەیلە کە لە کویە گیر هاتوێن کە لەدەس جینۆسایدەو واینە، گیانی لەدەسدا.
