سەرۆک هەرێم و وەگەرد "شازادە" باس رەوشەیل ئێزیدیەیل کەێد
سەرۆکایەتی هەرێم کوردستان لە بەیاننامەیگ رەسیە ئاژانس شەفەق نیوز وت: هەردوگ لایەنەگە دووپات لەبان گرنگیداین وەردەوام وە رەوش ئێزدیەیل و جیوەجیکردن رێککەفتن گونجانن رەوشەیل لە شنگال لەناوبەین حکومەت هەرێم کوردستان و حکومەت فیدڕاڵی عراق کردن، ئەرا ئەوەک خەڵک ناوچەگە بتوەنن ئەرا ملیکان خوەیان گلەو بخوەن، و دەسمیەتیداینیان لە ئاست هەرێم کوردستان و عراق و جەهان ئەرا دووارە ئاوەدانکردنەوەی شنگال و گشت ناوچەگە.
سەرۆک نێچیروان بارزانی دووپات لە وەردەوامی پیشکەشکردن گشت پاڵپشتییگ ئەرا ئێزدیەیل و مقیەتیکردن مافیان لە عراق و هەرێم کوردستان، و دڵنیایی پیشکەش کرد ک کار ئازادکرن رفیاگەیل و ئاشکراکردن چارەنویسیان وەردەوامە، و هویچ کەموکوڵییگ لە دابینکردن گشت خوازینیگ ئەرا ئازادکردنیان و دەسمیەتیداینیان نیەوود.
لەلاییگتر، شازادەی ئێزدیەیل سوپاس و رێز خوەی و ئێزدیەیل نشان دا ئەرا ئەو پاڵپشتیکردن و دەسمیەتیەیل وەردەوامە لەلایەن سەرۆک نێچیروان بارزانی ئەرایان، وەتایبەت لە چین ئازادکرن رفیاگەیل ئێزدی و وەرگیرکردن لە مافیان.
ئەنجامەیل سەردان دویایین و چەوپیکەفتنەیل شازادەی ئێزدیەیل وەگەرد پاپای ڤاتیکان و وەرپرسەیل دەوڵەتەیل لە ئەوروپا و ناوچەگە و عراق، باسەیل ناو ئەو دیدارە بوین.
