سەرۆک نووسەران کورد کۆچ دویایی کرد

شەفەق نیوز/ شەوەکی ئمڕوو یەکشەممە، لە شار هەولێر پایتەخت هەرێم کوردستان، کاکە مەم بۆتانی سەرۆک یەکێتی نووسەران کورد لەتەمەن ٨٣ ساڵان، کۆچ دویایی کرد.
باڵا کوڕ مەم بۆتانی لە بان ماڵپەڕەیل پەیوەندیە کۆمەڵایەتیەگان، ئمڕوو، راگەیان مردن باوگی، وەبی ئاشکراکردن هووکارەیل مردنەگەی.
لای خوەییش، ئەمیندارێتی باوەتەیل رووشنهویری لە یەکێتی نووسەران عراق لە بەیاننامەیگ فەرمی پرسەی کاکە مەم بۆتانی کرد.
لای خوەیانیش، خیزانەگەی رەحمەتی لە بەیاننامەیگ راگەیانن رسوومەیل ماڵئاوایی لە تەرم بۆتاتی، ئمڕوو لە ساعەت دەی شەوەکی لە مزگەفت سامی کوردی، لەبان ری کۆێسنجاخ وەرانوەر ماجدی مۆڵ.
بەیاننامەگە وتیش؛ لە ساعەت سێ دویای نیمەڕو لە قەورسان شێخ ئەحمەد تەرمەگەی وەخاکسپاریەێد.
کاکە مەم بۆتانی لە ساڵ ١٩٣٧ لە شار کۆێسنجاخ لە داڵگبوی، و باوگی ئەرا ئاوای هەرتال بارکریا، لەوەر بەشداری کردنی لە بزووتنەوەی ئازادیخوازی كورد، تا لە ساڵ ١٩٤٨ لەورا کۆچ دویایی کرد.
لە دە ساڵان تەمەن ئەدیب کۆچ کردگ، براگانی ئەرک ئیوەت کردنی هەڵگردن، تا خوەنەواری بنەڕەتیی لە هەرتال و کۆێسنجاخ وسلێمانی تەواو کرد، و خوەنەواری ئامادەیی لە کەرکەک، و زانکۆیی لە شار بەغداد، تا بڕوانامەی ئەندازیاری کشتوکاڵی وەربکێد.
رەحمەتی کۆمەڵیگ لە بەرهەمە ئەدەبیەگان لە چیرۆک کوڵ و دریژ هیشتە جی.