سەرۆک کۆمار: کورد فەیلی بەشیگ گرنگە لە گەل عراق و خەبات بزووتنەوەی کورد
ئەوەیش لە مەوقی پیشوازیکردنی لە شاند هاوپەیمان کورد فەیلی وە سەرۆکایەتی ئەسەد فەیلی لە کۆشک بەغداد.
نویسینگەی راگەیانن سەرۆکایەتی کۆمار لە بەیاننامەیگ رەسیە ئاژانس شەفەق نیوز وت: لە دیدارەگە باس میژوو چەرمگ کوردەیل فەیلی کریا ورۆڵ گرنگیان لە بیناکردن شارستانی عراق، وەگەرد ئەو زیانەیلە ک وەپیان رەسێد و نووڕین ئەرینیان ئەرا پەیاکردن چارەیلیگ ئەرا ئەو گرفتەیلە ک لە روییان گیرهاتنە.
رەشید وت: کورد فەیلی بەشیگ گرنگە لە گەل عراق و خەبات بزووتنەوەی کورد دژوە دیکتاتۆری، و نەوەیل کورد فەیلی قوربانیەیل فرەیگ وەخاتر ئازادی پیشکەش کردن، و ژیان سەختیگ لەبارکردن و گوماکردن و ستەم وەخوەیان دین، وتیش: کوردەیل فەیلی خاوەن رۆڵ گورجیگن لە ماف و ئەرکەیل، و تیرەی گرنگیگ لە بیناکردن کۆمەڵگا و پیشکەفتتی و گەشەکردنی دیرن.
سەرۆک کۆمار دەسخوەشی لە گورجی کورد فەیلی لە پاڵپشتیکردن بزووتنەوەی کەلتوری و پشتگیریکردنی، و باس گرنگی وەردەوامیداین ئی گورجی شارستانیە ئەرا نەوەیل هاتگ کرد.
لەلای خوەییش، ئەسەد فەیلی سەرۆک هاوپەیمان کورد فەیلی باس گرنگترین ئەو باوەتەیلە کرد ک کەفنە روی کورد فەیلی، و دووپات لە رکدارییان لەبان وەدەسگردن ناسنامەی نیشتمانییان کرد لەبان ئەو هەمکەی سیاسەتەیل ستمکاریە لەبانیان.
