سەرکردەی قەسەدە ئاشکرای رێککەفتن کیشانەوەی پەکەکە لە سوریا کەێد
شەفەق نیوز/ مەزڵوم عەبدی سەرکردەی هێزەیل دیموکراتی سوریا، ئاشکرای رێککەفتنیگ لووتکەیی لەناوبەین بزوتنەوەی کوردی وە چەودیری ئەمریکا لەبان کیشانەوەی یەواشییگ ئەرا کادرەیل پەکەکە لە سوریا کرد.
عەبدی لە چەوپێکەفتنیگ باس لە کەسایەتییەیل ک سوری نیین لەلایەن پەکەکە لە باکوور خوەرهەڵات سوریا راهێنان کریانە، و وت: لەوەر گرنگی مەیدانی ک جەنگ دژوە داعش چەسپانەی هانە ئەیلا.
و دووپاتکرد ک هەزاران لە جەنگاوەرەیل پەکەکە
وەگەرد خۆبەخشەگان ئەرا سوریا هاتن، وبەشیگیان لە جەنەگەگان کوشیان، وبەشیگیان چینەو، و بەشیگیان مەنەو، وبەشیگیان تەقەلا ئەرا ژیانیگ مەدەنی کردن.
هەمیش سەرکردەی قەسەدە باس لە رێککەفتن کیشانەوەی یەواشییان لە سوریا کرد، و ئاماژە کرد ک ٢٠٠ هەزار جەنگاوەر سوری لە دامەزراوەیل ئیدارەی سەروەخوەیی مەدەنی و سەربازی تۆمار کریانە، و وتیش: هیچ پێویستی راسییگ ئەرا پشتگیریکردن هەرێمی کوردی نییە.
