سەرۆک حکومەت هەرێم کوردستان دەسکەێدە سەردانیگ فەرمی ئەرا بەحرەین

شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو دووشەممەر دەسکردە سەردانیگ فەرمی ئەرا شانشین بەحرەین.

وەگورەی بەیاننامەیگ لە نویسینگەی راگەیاننی کە رەسیە ئاژانس شەفەق نیوز وت: سەردانەگەی و ئامانج قایمکردن پەیوەندییەیل دووانی ناوەین هەرێم کوردستان و بەحرەین تیەێد، وەگەرد ریکارەیل دانوسەنین لە دویاترین نووەوبویەل و کەشەیل ناوچەی خوەرهەڵات ناوڕاس.

بڕیارە سەرۆک حکومەت لەی سەردانە چەوی بکەفێدە بڕیگ لە گەورە وەرپرسەیل ئەرا باسکردن لە باوەتەیل هەرێمی گرنگ، وەتایبەت نووەوبویەل لە سوریا، و رەوشەیل ئەمنی و سیاسی لە ناوچەگە.

وەگورەی بەیاننامەگە، ئی سەردانە لە چوارچیوەی تەقەلایل وەردەوام تیەێد لەلایەن سەرۆک حکومەت ئەرا فراوانکردن پەیوەندییەیل ناودەوڵەتی هەرێم کوردستان و قایمکردن هاوکاری وەرد دەوڵەتەیل خەلیج.