سەرۆکایەتی کوردستان ئاشکرای رۆڵ نێچیروان بارزانی کەێد لە چگن شاند حکومەت هەرێم ئەرا بەغداد
یەیش لە پەراویز میوانداریکردن کۆنفرانسیگ وەناونشان (تەحەددییە سیاسییەیل، قبوڵکردن ئەویتر و پرس کورد لە خوەرھەڵات ناوەڕاست) هات، کە لە زانکۆی سۆران وەڕیەو چگ.
شهاب وتیش، "ئمڕوو جویر نموونەیگ زنی و چەن رووژیگ وەرجە ئیسە لە هەرێم کوردستان کە پارچەپارچەبوین روی دا، گشت خەڵک وە ئازیزەیل و هاوڕیەیلمان لە ناو و دەیشت وڵات، وە نیگەرانییەو نووڕینە رەوش ناوچەگە ."
وتیش؛ "لە گام یەکەم و هەر لەسەرەتاوە جویریگ لە نزیکەوبوین لە ناوەین لایەنەیل و لایەنە سیاسییەیل هاتەدی، یەیش ئیجا بویە مدوو ئەوە کە شاند حکومەت هەرێم کوردستان وە سەرۆکایەتی مەسرور بارزانی، سەرۆک حکومەت هەرێم کوردستان بچنە بەغدا، کە ئەوەیش نیشانەی قایمیگە ئەرا گرنگی و خوازین ئەو نزیکەوبوینە، کە ئاڵشتکتاری لە مامەڵەکردن وەگەرد هەرێم وەدوای خوەی هاورد.”
شهاب لە قسەیلی وتیش، “سەرۆک هەرێمی کوردستان، و هەر لە سەرەتاوە، ئیرنگە، و تا ئەو وەختەیش کە وەرپرسیاریەتی سەرۆکایەتی هەرێم لە گەردنی بکرێد، پرس لەیەکنزیکبوین و قبوڵکردن ئەویتر، تاوانن یەخەگە، و کەمەوکردن جیاوازیەیل بویە - و گومانی لەناوی نییە - کەفنە نوای ئەولەویەتەیل کارەیلی، و یەیش ریبازیگ دروسە کە خزمەت لە بەرژەوەنی هەرێم کوردستان و ئایندەی میللەتەگەمان کەێد.
