سەرۆکایەتی هەرێم کوردستان وەزبری شەرمەزار پەلامار مووشەکی ئیران کەێد لەبان هەولێر

سەرۆکایەتی هەرێم کوردستان  لە بەیاننامەگە راگەیان "وە زبری ئیدانەی ئەو پەلامار دوژمنیانەی دویەشەو وەلایەن سوپای پاسداران ئیران وە مووشەک دویر مەودا لەبان شار هەولێر کرد، کە لە ئەنجامی شمارەیگ هاووڵاتی شەهید و زەخمداری لەلی کەفتەو. ئیمە  پرسە و سەرەخوەشی لە بنەماڵە کەسوکار شەهیدەیل کەیمن و هاوسووزییان کەیمن، ئومید زوی خاسەوبوین ئەرا زەخمدارەیل خوازیمن”.

وەگورەی بەیاننامەگە، “وەردەوامبوین وەئامانجگرتن هەرێم کوردستان و شەهیدکردن هاووڵاتیەیل تاوانیگ ناڕەواس و دژ یاسا ناودەوڵەتییەیل و بنەمایل هاوسایەتی خاس و بەها مرۆییەیلە، هەمیش پێشێلکردن ئاشکرای سەروەری و ئاسایش  سەقامگیری عراقە”، وتیش: لەوە “هەرێم کوردستان سەرچڵوەی هەڕەشە نەویە و نیوود ئەرا هویچ لایەنیگ.

 سەرۆکایەتی هەرێم کوردستان لە بەیاننامەگەی وتیش: “ڕەوایی سوپای پاسداران ئیران وە تەواوەتی یی بنەما و راسیە”، داوا لە حکومەت فیدراڵی عراق کرد کە پەلە بکەێد لە وازکردن لێکۆڵینەوە ئەرا ئاشکراکردن ڕاسیەیل و ئەنجامدان ئەرک خوەی ئەرا وەرگریکردن لە هەرێم کوردستان و ڕیگری لەی پەلامارەیلە بکەێد.

 شەو دووشەممە لەبان سێشەممە، سوپای پاسداران ئیران پەلامار سەختیگ وە مووشەک بالیستیکی لەبان ناوچە مەدەنییەیل شار هەولێر جیوەجی کرد، کە بویە مدوو کوشیان و زەخمداری 10 هاوڵاتی مەدەنی.