سەرۆکایەتی هەرێم کوردستان سەرەخوەشی لە میسر وە رویداو کلیسەگە کەێد
شەفەق نیوز/ سەرۆکایەتی هەرێم کوردستان، ئمڕوو یەکشەممە، سەرەخوەشی لە کۆمار میسر کرد، وەو ئاگرە ک رەسیە کلیسەی ئەبو سێفەین لە ناوچەی ئەمبابە، لە پارێزگای جیزە، و گیان بڕیگ لە هاووڵاتییەیل میسری سەن، و بڕیگیش زەخمدار کرد.
سەرۆکایەتی هەرێم کوردستان لە بەیاننامیگ رەسیە ئاژانس شەفەق نیوز وت: گەرمترین سەرەخوەشی و دڵسووزترین هاوخەمی لە کۆمار میسر عەرەبی وە سەرکردە وگەل کەیمن، وەو رویداو ئاگر زیاندارە لە کلیسەی ئەبو سێفەین ئمڕوو لە جیزە.
بەیاننامەگە وتیش: هاوخەمی خوەمان وەرد کەسوکارەیل قوربانیەیل نشان دەیمن، و ئومید خوازیمن خودا مردگەیل بخەێدە دروود فراوانی، و زەخمدارەیل وە زوی خاسەو بکەێد، و سەبووری گشتی بەێد.
نزیکەی ٤١ کەس گیانیان لەدەسدان، و نزیکەی ٤٥ کەسیش زەخمدار بوین، لەو ئاگرە ک لە کلیسەی ئەبو سێفەین لەناوچەی ئەمبابە لە وڵات میسر هیز گرد، وە گەرد تەقەلایل پیاوەیل مقەیەتیکردن شارەگە ئەرا کپەوکردن ئاگرەگە.
