سەرۆکایەتی کۆمار عراق دووارە بانگواز ئەرا بڕیاردان یاسای پارێزگای هەڵەبجە کەێد

شەفەق نیوز/ سەرۆکایەتی کۆمار عراق، ئمڕوو یەکشەممە، دووارەی بانگوازی ئەرا ئەنجومەنی نوێنەرەیل کرد ئەرا دەنگدان لەبان پڕۆژەی یاسای پارێزگای هەڵەبجە کرد، و گاڵ هیزەیل سیاسی دا ئەرا پشتگیریکردن ئی داوا.

سەرۆکایەتی کۆمار لە وتاریگ وەلایەن ئەمیر کنانی راوێژکاری دویای وسیانیگ بیدەنگی و پرسە وە بوونەی ساڵیاد کیمیاوارنکردن شار هەڵەبجە وە ئامادەبوین سەرۆک عەبدولەتیف رەشید کە وت: ئمڕوو یاد تاوانەیل بەعس وەبان گەل عراق کەیمن، لەلییان تاوانەیل جینۆساید و ئەنفال و بڕە قەورسانەیل و کوشتن زانایەیل و سومبولەیل نیشتمانی کەیمن.

وتیش: گشت عراقیەیل نفرەت لە ستەم وە شیوەیلی کەن، و ژیانیگ ئازاد و سەربەرزیی خوازن، دیاری کرد کە پەلاماردان هەڵەبجە یەکیگ لە دوژمنایەتییە راستەخۆیل بوی، کە لە وەحشیانەی لە کردەوەیل نازی لە ئەوروپا لە جەنگ جەهانی دویەم زیاتر بوی.

سەرۆکایەتی کۆمار وتیش: خەڵک هەڵەبجە قوربانی سیاسەتەیل بەربەری بوین کە یەکیگە لە تاوانەیل دژوا مرۆیی، وتیش؛ هەڵەبجە تەنیا شاهیدیگ لەبان مەرگ نییە، کە پارێزگایەیل عراق لە ناوڕاس و باشوور لە ساڵ 1991 راپەڕین کردن، و بڕە قەورسانەیل چەوەڕییان کرد.

داوا لە کۆمەڵگای ناودەوڵەتی کرد لە قەیەغەکردن بڵاوبوین چەکەیل ویرانکاری گشتی کە لەڕاست ناودەوڵەتی قەیەغە کریانە، و وسانن جەنگەیل، وەگەرد خزمەتکردن کەسوکارەیل قوربانیەیل و پیشکەشکردن پشتگیری ئەرایان. 

سەرۆکایەتی کۆمار دووپات کرد لە گرنگی گلەوداین شارە زەرەدخوەرەیل، و داوا لە ئەنجومەن نوێنەرەیل کرد دەنگ لەبان پڕۆژەی یاسای پارێزگای هەڵەبجە بیەن، جویر رێزگردن لەی شار گرانە کە شەهیدەیلی پیشکەش کرد، و گاڵ هیزەیل سیاسی دەیمن ئەرا پشتگیریکردن ئی داوا.

دویەکە یەکشەممە، سەرۆکایەتی کۆمار عراق، داوا لە لایەنەیل پەیوەندیدار کرد وەزوی مار بکەن ئەرا ئەوە کە هەڵەبجە بکریەێدە پارێزگا، وەگەرد 37مین ساڵیاد کیمیاوارنکردن شارەگە.