سکاڵایگ ئەرا نوینەر گشتی لەباوەت کەم پویلی لە بانکەیل سلێمانی
شەفەق نیوز/ پەرلەمانتاریگ لە پەرلەمان هەرێم کوردستان، ئمڕوو یەکشەممە، ئاشکرای زیان بڕیگ لە فەرمانبەرەیل پارێزگایل سلێمانی و هەڵەبجە و ئیدارەیل گەرمیان و راپەڕین کرد، لەوەر دیرکەفتن خەرج مووچەیلیان هەرلە سەرەتای ساڵ ٢٠٢٢، وتیش: وەگورەی خشتەی وەزارەت دارایی خەرجی نیەکریەێد.
عومەر گەڵاڵی نوێنەر لە پەرلەمان کوردستان لە هەژمار تایبەت خوەی لەبان فەیسبووک نویسان: کەم پویلی لە بانکەیل بویە هووکار گرفتەیل گەورەیگ ئەرا دانیشتگەیل پارێزگایل سلێمانی و هەڵەبجە و ئیدارەیل گەرمیان و راپەڕین، و هوشداری کرد ک وەردەوامی ئی رەوشە و راسەونەکردنی ئەوەسا بوودە هووکار رەنگدانەوەی گەورەتر وئەوەسا ژیان مەردم فرەیگ خەێدە سەختی.
وتیش: وەگورەی یاسا باوەیل، حکومەت هەرێم کوردستان یەک گەنجینە و یەک وەزارەت دارایی دیرێد، و ئی گرفتەیلە لە پارێزگایل هەولێر و دهۆک هەکاتی ئی دوو پارێزگا و دوو ئیدارەی سەروەخوەیە نییە.
گەڵاڵی دووپات کرد ک لە رووژ ١٠ی ئاب ٢٠٢٢ وەگورەی یاداشت فەرمی شمارە ١٩٠، سکاڵا دایمنە نوینەر گشتی لە سلێمانی ئەرا جیوەجیکردن ریکارەیل یاسایی لەبان هەرکەسیگ یا دامەزراویگ بوودە هووکار کەم پویلی لە بانکەیل سلێمانی.
وتیش: توومارکردن سکاڵا وەردەوامیە لە زنجیرەیگ لەو تەقەلا و زوورەیلە ک لەماوەی شەش مانگ وەخاتر بەرژەوەنی گشتی و راسەوکردن رەوشەگە و گلەوداین پویل ئەرا بانکەیل کردیمنە، لە وەختیگ رەوش دارایی ناوچەگە فرە خاسە.
