زانکۆی سلێمانی...ناڕەزايەتی وەردەوامە (وینە)
2023-08-07T09:51:14+00:00
شەفەق نیوز/ مامووسا و فەرمانبەرەیل زانکۆی سلێمانی،ئمڕوو دووشەممە، گردبوینەوەیگ رێکخسن وەبوونەی دویاکەفتن مووچەی مانگانەیان، دووپاتکردن دیر خەرجکردنی کاریگەری لەبان ئارامی کۆمەڵایەتی و سیاسی دیرێد لە گشت هەرێم کوردستان.
نوێنەر خوەینیشاندەرەیل، محەمەد حوسێن، وە ئاژانس شەفەق نیوز وت، دیر خەرجکردن مووچە بویەسە مدوو زیایبوین رێژەی نەداری، ک یەیش هووکار سەرەکیە ئەرا نائارامی سیاسی و کۆمەڵایەتی هەرێم.
وتیش، خوەینیشاندەرەیل داوا لە حکومەت هەرێم کەن پابەن بوون وەبان خەرجکردن مووچە گشت سی رووژ جاریگ بوود وەجویریگ وەخت رادەسکردنەگەی وەگەرد مووچە وەرگەرد فەرمانبەرەیل ناوەندی بوود، دووپاتکرد حکومەت هەرێم بایەت رییگ یاسایی بوینێدەو ئەرا خەرجکردن مووچەی پاشەکەوتکریاگ و دەسکردن وە پلەبەرزکردنەوە و پاداشت پیشەیی ئەرا فەرمانبەرەیل کەرت گشتی هاوشیوەی دامەزراوەیل سەربازی و ئەمنی.
