زانیاری نوو لە رویداوەگەی سۆران و دیاریکردن ناسنامەی قوربانیەیل ئاشکەراکەێد (وینە)
شادی خالد مەعروف، مامووسای زانکۆس و یەکیگە لە دانشتگەیل ئەو کۆمەڵگەیە کە کارەساتەگە وە خوەی دی ئەرا ئاژانس شەفەق نیوز وت: "لەو باوەڕە نەویم رووژیگ لە رووژان نهۆم بان زەوی بیناگە ئاڵشت بوود ئەرا دوکان دارتاشی لە کارەیلی کەرەستەی زوی ئاگردن وەکاربان جویر (دار، پەڕوو، ئسفەنج) ، ئاگر بویچگیگ بڕەسنێد ئەرا کارەسات گەپیگ جویر یە لەناو بیناگە و شمارەیگ کەەس بوونە قوربانی.
دکتۆر کامەران مەلا محەمەد شیروانی وەڕێوەبەر گشتی تەندروسی ئیدارەی سۆران ئەرا ئاژانسەگە راگەیان "14 هاوڵاتی وە مدوو ئاگرەگە مردنە کە لەناو بیناگە هیزگردبوی، لەناویان هاوڵاتی سوری و ئیرانی و دانشتوان بەغداد هەس، دوان لەلیان خەڵک ئیدارەی ناوچەی سۆرانن".
شێروانی وتیش، " هەفت زەخمدارەیلە ئەرا خەسخانەی سۆران کلکریانە تا چارەسەر وەربگرن، و پەنج لەلیان دویەشەو خەسخانە وەجی هیشتنە باوجی دوانیان هانەژیر چەودێری هویرد پزیشکی".
شیروان شەریف قورتاس سەرۆک زانکۆی سۆران دووپاتکرد ئەو بینا کە رویداوە دڵتەزنەگە لەناوی رویدایە بەشە ناوخوەیی زانکۆگە نەویە بەڵکم شمارەیگ لە مامووسایەیل خوەنەوارەیل خوەنستن باڵا وە کرا گردوینەی و لەناوی نیشتەجیبوین لەمەوقەی دەوام فەرمی و خوەنستن.
قورتاس لە بەیانیگ رووژنامەوانی ئاشکەرایکرد: "ئیمە بیناگە وەکرا نەگردیمن ئەرا خوەنەوارەیل چوینکە پابەن مەرج سەلامەتی نەوی، باوجی شمارەیگ مامووسا و خوەنەوارەیل خوەنین باڵا و وە کرا گردوینەی وە داخەو شمارەیگ لە مامووسایەیل زانکۆ یەک کەس لە خوەنەوارەیل خوەنستن باڵا وە پلەی دکتۆر لە زانکۆمان بوینە قوربانی".
