زانیاری لەبان ئەو دو گەنجە ک وەلایەن هێزەیل تورکی دەسگیر کریانە
شەفەق نیوز/ سەرچەوەیگ ئاگادار لە هەرێم کوردستان، ئمڕوو یەکشەممە، راگەیان، ئەو دو گەنجە ک وەلایەن سوپای تورک لە شار هەولێر وە تۆمەت سیخوڕی دەسگیر کریانە، تا ئیسە ئازاد نەکریانە.
سەرچەوەگە وە ئاژانس شەفەق نیوز وت :"مەوقەی نزیک شۊینە لە بنکە سەربازیگ سوپای تورکیا بۊینە، ژنیگ لە کەمپ پەنابەرەیل مەخمور وەگەردیان بۊیە و نەزانیایە ئەڕا چە وەگەرد ئەو ژنە بۊینە و ئایا وەنیازبۊینە وە نایاسایی سنوور رەد بکەن یا ئەرا ماسیگردن چینە، وەگورەی ئەوەگ کەسوکار گەنجەیلە وتنە.
سوپای تورکیا فرەجار هاوڵاتیەیل دەسگیرکریاگەیل لە نزیک خاک عراق ئازاد کەێد باوجی ئیجارە ماوەی چوار رووژە دو گەنجەگە دەسگیر کریانە، سەرچەوەیلە قسە لەبان کلکردنیان ئەرا ناو خاک عراق کەن.
ئیحسان چەلەبی وەڕێەوەبەر ناحیەی سیدکان لە بەیاننامەیگ رووژنامەوانی راگەیان دو گەنج دانیشتگ ئاواییگ لە ناوچەگە وەلایەن سوپای تورکیا دەسگیرکریانە.
