زەویلەرزەیگ وەتونی ٤.٤ پلە دەێد لە گیلانغەرب
2023-10-09T08:21:12+00:00
شەفەق نیوز/ کرماشان- زەویلەرزەیگ ٤.٤ پلە لەبان پەیمانەی ریشتەر گیلانغەرب لە پارێزگای کرمانشاه لەرزان.
وە گزارش ئاژانس خەوەری مهر، زەویلەرزەگە وە هاز ٤.٤ ریشتەر وە قویلی هەفت کیلومتر زەوی گیلانغەرب لە پارێزگای کرماشان هاوردە لەرزە.
ئی زەویلەرزە لە ساعەت ۱۰:۳۷ ئمڕوو دووشەممە لە شار گیلانغەرب روی دا.
زەویلەرزەگە وە درەیژایی جوگرافیای ٤٥.٦٤ و پانی جوگرافیای ٣٤.٥٩ لە ٢٦ کیلومتر گیلانغەرب و ۲۹ کیلومتر خانەقین عراق و ٣٤ کیلومتر سەرپل زهاو تەکان داشتیە.
