زەویلەرزەیگ وەتونی 4.3 پلە دەێد لە کەرکوک
2025-11-01T12:02:42+00:00
شەفەق نيوز- كەركوك
سەرچەوەیگ لە دەزگای کەشناسی و زەویلەرزەناسی عراق، ئمڕوو شەممە، خەوەردا کە زەویلەرزەیگ وەتونی 4.3 پلە لەبان پەیمانەی ریختەر داد لە پارێزگای کەرکوک.
سەرچەوەگە ئەرا ئاژانس شەفەق نیوز وت: زەویلەرزەگە دویای نیمەڕو ئەمڕوو بویە، و خەڵک شار کەرکوک و ناوچەیل دەورگردی لەلی ئاگادار بوین، دیاری کرد کە سەنتەر زەویلەرزەگە وەقویلی 10 کیلومەتر بویە.
وتیش: هیچ زەرەدیگ گیانی یا دارایی تا ئیسە لە ئەنجام زەویلەرزەگە توومار نەکریاس، وەگورەی راپۆرتەیل سەرەتایی لە وەرگری شارستانی.
سەرچەوەگە وتیش: زەویلەرزەگە لە چالاکی زەویلەرزەی ڕاستیی ناوچەی ناوەین دوو پارچەی عەرەبی و ئیرانی تیەێد.
