زەویلەرزەناسی: لە هەڵەبجە و کەلار و خانەقین رووژانە 1 ـ 7 زەویلەرزە توومارکرێد
وەڕێوەبەر بەش زەویلەرزەناسی عەلی عەبدولخالق وە ئاژانس شەفەق نیوز وت: "سێگووشەی هەڵەبجەکەلار خانەقین، چالاکە لەدویای ئەوەگ زەویلەرزەی توونیگ لە هەلەبجە توومارکریا لەساڵ 2017 بویە هووکار جویلیان چینەیل زەوی و جویلەگەی هیشتیە بوودە ناوچەیگ چالاک زەویلەرزەیلە".
وتیش؛ دچەودێرەیلمان رووژانە یەک تا هەفت زەویلەرزە توومارکەن کە هازەگەی لەناوەین یەک تا دوو پلەس لەبان پەیمانەی رێختەر، وەگەرد توومارکردن زەویلەرزەلیگ وە سێ پلە لەماوەیهەفتەگە کە هەس وەپی کرێد باونی تون نییە و ناودە هووکار زەرەد مادی".
عەبدولخالق دووپاتکرد "عراق کەفێدە ناوەین پلێت عەرەبی کە کووەوبوود وەگەرد پلێت تورکیا وەگەرد پلێت ئیرانی لەچوارچمگ ناوچەی سنووری ناوەین ئەو سێ وڵاتە، وە دیاریکریاگی لە چوارچمگ زنجیرە کویەی زاگرۆس لەلای باکوور خوەرهەڵات عراق، هەنای چینەیل پلێتیەیل زەوی جویلەی تەکتۆنی کەن لەبان کڕ کویەی زاگرۆس دەێد لە پلێتەیل عراق وە دوو پلێت ئەنادۆڵ و ئیران و زەویلەرزە دروسبوود".
وتیش "پلێت ئەنادۆلۆی تورکیا فرە چالاکەوبویە وەی مدووە لە زەویلەرزەی توون لە تورکیا روی دەێد لەناوەینیان ئەوەگ لەماووەی دوو رووژ وەرین زەویلرەزەی توونیگ رویدا".
