زەویلەرزە دەێد لە مەلاتیەی تورکیا
![زەویلەرزە دەێد لە مەلاتیەی تورکیا](https://media.shafaq.com/media/arcella/1692863227305.jpg)
2023-08-24T07:47:23+00:00
شەفەق نیوز/ زەویلەرزەیگ وەتونەی ٥ پلە لەبان پەیمانەی ریختەر، ئمڕوو پەنجشەممە، دالە ویلایەت مەلاتیەی تورکیا.
ئەوەیش وەگورەی راگەیانن دەسەی وەڕیەوبردن کارەساتەیل AFAD لەبان پلاتفۆرم X (تویتەر جاران) هات، ک دەسەگە وت: زەویلەرزەیگ وەتونەی ٥ پلە لەبان پەیمانەی ریختەر دالە ویلایەت مەلاتیەی تورکیا.
دەسەگە وتیش: زەویلەرزەگە لە ناوچەی ئیشیلیورت لە ساعەت ٨:٣٥ شەوەکی ئمڕوو توومار کریا، و سەرچەوەی لەرزەگە وەقویلی ٧ کێلومەتر بویە.