زەویلەرزە دەێد لە باکوور دهۆک و هاوڵاتیەیل هەس وەپی کەن

شەفەق نیوز/ وەزارەت گواستنەوە، ئمڕوو سێشەممە، راگەیان زەویلەرزەیگ نزیک قەزای ئامێدی لە پارێزگای دهۆک توومارکریاس وە هاز  2.8 پلە و هاوڵاتیەیل هەس وەپی کردنە.

وەزارەتەگە لە بەیاننامەیگ رەسیە ئاژانس شەفەق نیوز وت، "روانگەیل زەویلەرزەناسی وەزارەت گواستنەوە، شەوەکی ئمڕوو سێشەممە زەویلەرزەیگ توومارکردنە لەبان سنوور عراق ـ ترکیە".

وتیش؛ "زەویلەرزەگە لە ساعەت  8:53 شەوەکی توومارکریایە، و هازەگەی رەسیە ئەرا (2,8) پلە لە دویری نزیکەی   (60) كم لە قەزای ئامێدی، سەر وە پارێزگای دهۆک لە هەرێم کوردستان".

وتیش: "وەلایەن هاوڵاتیەیل دانشتگ نزیک رویداوەگە هەس وەپی کریایە".